Alltaf agnarögn hjá Hirti

Það er sama hvernig áhrif ríkis á borð við Ísland innan stórríkis Evrópusambandsins eru reiknuð, útkoman er alltaf agnarögn. Hjörtur hefur í gegnum tíðina reiknað völd smáríkis með ýmsum hætti, en útkoman er ávallt svipuð: hverfandi. 

Sumir segja að Evrópusambandinu sé stjórnað af embættismönnum, aðrir af stórkapítali stærstu ríkjanna og enn aðrir að sambandið sé undir stjórn stjórnmálamanna ríkjanna sem ráða. Eflaust hafa allir eitthvað til síns máls.

Enginn heldur því á hinn bóginn fram að örríki ráði einhverju í Evrópusambandinu, að litlum hópi manna á Íslandi frátöldum. Sá söfnuður hefur bitið í sig að Evrópusambandið geti orðið svo yfirgengilega ólýðræðislegt, að örlítil smáþjóð fái þar einhverju ráðið.

https://www.visir.is/g/20252772156d/vaegid-eftir-sem-adur-dropi-i-hafid