Aftengja Icesave og ESB-umsókn

Afdrif þjóðaratkvæðagreiðslunnar um Icesave ráðast af afstöðu þjóðarinnar til umsóknar um aðild að Evrópusambandinu. Í huga almennings er Icesave inngöngumiði inn í Evrópusambandið. Þjóðin borgar ekki  fyrir byssukúlurnar sem eiga að drepa fullveldið. Af því leiðir er enginn möguleiki er að Icesave fái framgöngu að óbreyttri stöðu umsóknarinnar.

Aftengja má Icesave við ESB-umsóknina með einföldum hætti. Meirihluti alþingis getur samþykkt að draga umsóknina tilbaka.

Tveir flokkar sem eru stórlega skaddaðir af Icesave og umsókninni gætu náð vopnum sínum með því að setja aftengingu á oddinn. En það eru fáir dagar til stefnu. Brátt verða skotgrafirnar svo djúpar að ekkert breytir afstöðu manna - og þá er Icesave-frumvarpið dautt.

(Tekið héðan.)