ESB skrapar botninn

Kreppunni á evrusvæðinu er langt frá því lokið, eins og fram kemur í meðfylgjandi frétt. Þar segir meðal annars:

Í nýrri hagsspá Alþjóðagjaldeyrissjóðsins sem birt var fyrr í þessari viku er enn gert ráð fyrir efnahagssamdrætti á þessu ári um 0,2%, og eru það verri horfur en gert var ráð fyrir í síðustu spá sjóðsins

Að mati sjóðsins er þróunin á evrusvæðinu enn einn helsti áhættuþátturinn sem steðjar að heilsu alheimshagkerfisins þrátt fyrir að sjóðurinn telji eins og flestir aðrir að svæðið sé nú komið fyrir horn hvað varðar frekari stigmögnun kreppunnar. Áhættan er hinsvegar fólgin í því að framundan gæti verið langt og strembið tímabil efnahagslegrar stöðnunar sem myndi hafa í för með sér smitáhrif út í alheimshagkerfið allt.