EES er koníakið í augum Össurar

Jean Monnet hinn franski, koníakssölumaður og einn af frumkvöðlum ESB, lagði grunn að herfræði sambandsins er hann sagði að það að koma mönnum inn í sambandið væri eins og að venja fólk við að drekka koníak. Bara einn lítinn sopa til að byrja með og lítið í einu. En venja fólk við smám saman og tryggja að það haldi nýuppteknum sið. 

Helstu áróðurssmiðir Evrópusambandsins hugsa oft á svipaðan veg. Bara venja menn við eina regluna hér, annað úrræði það - og þá verður ekki aftur snúið. Pizzan verður nefnilega ekki afbökuð þegar einu sinni er búið að baka hana.

Var EES hugsað svona: Fordyri fyrirheitna landsins með hreyfingu í eina átt, þ.e. inn í herlegheitin? Og ekki aftur snúið?

Össur er alltént að reyna að halda því fram.

Eða er þetta bara leikaraskapur í ráðherranum. Samningurinn er jú alltént í gildi.

„ESB hundleitt á EES-samningnum“

Athugasemdir

[Ásthildur Cesil Þórðardóttir, 14.2.2013 kl. 16:27]

Það skal reyna allt sem hægt er til að koma okkur inn.  Ef fleðulætin duga ekki, þá er gripið til hótana.  En lítið þekkir Össur þjóðina sína

[Hilmar (IP-tala skráð) 14.2.2013 kl. 16:54]

Þetta heimilisofbeldi Össurar gagnvart þjóðinni er komið á varhugavert stig. Nú er garmurinn farinn að hóta því að ESB buffi okkur, fyrst hin ráðin duga ekki.

Nú setjumst við niður, segjum upp EES, semjum um fríverslun við Nafta og Kína, pökkum Össuri í flugdólgateip, setjum um hann slaufu og sendum til Brussel, ESB til ævarandi eigna, með þeim skilmálum að aldrei verði reynt að skila honum.

320.000 manna þjóð með allar þessar auðlindir, á ekki í nokkrum vandræðum með að lifa góðu lífi án ESB. Síðna má náttúrulega endurskoða samninga við einstök ríki Evrópu, þegar ESB fer að liðast í sundur.

Svo er það náttúrulega hinn möguleikinn, að senda ESB bara puttann og neita að innleiða reglur og lög frá ESB, sem okkur líkar ekki við, og eftirláta þeim að segja upp samningnum.

[Ásthildur Cesil Þórðardóttir, 14.2.2013 kl. 17:00]

Heyr Heyr!!

[Jóhanna (IP-tala skráð) 14.2.2013 kl. 17:48]

Sammála þér Hilmar. Verður ekki neinn sem getur stoppað þetta skoffín hann Össur???