Búnaðarþing í andstöðu við ESB-aðild

Bæði Búnaðarþing og Bændasamtökin vara við aðild að ESB og segja að það sé andstætt hagsmunum Íslendinga. Búnaðarþingið varar ennfremur við innstreymi peninga frá Evrópusambandinu sem ætlað er að hafa áhrif á viðhorf til aðildar.

mbl.is greinir svo frá þessu:

Búnaðarþing samþykkti í dag ályktun þar sem ítrekuð er andstaða Bændasamtaka Íslands við inngöngu Íslands í Evrópusambandið. Þingið telur að hagsmunum Íslands sé betur borgið utan ESB. Búnaðarþing geldur varhug við áhrifum af innstreymi fjármagns frá Evrópusambandinu sem ætlað er að hafa áhrif á viðhorf til aðildar.

Í ályktuninni er lýst stuðningi við starf Bændasamtakanna og fulltrúa þeirra í samningahópum í ESB-málum. Þingið áréttar enn varnarlínur Bændasamtakanna og mikilvægi þess að þær verði áfram grundvallarsjónarmið í gerð samningsafstöðu Íslands í aðildarviðræðunum.

„Ljóst er orðið að Ísland verður að undirgangast sáttmála ESB og engar varanlegar undanþágur eru í boði, svokallaðar samningaviðræður eru einungis aðlögun að regluverki ESB,“ segir í ályktuninni.

Ítreka andstöðu við aðild að ESB

Athugasemdir

[Rafn Guðmundsson, 6.3.2013 kl. 15:49]

hmm - á ekki frekar að standa 'okkar' í staðinn fyrir 'Íslendinga' þarna.

[Alexander (IP-tala skráð) 6.3.2013 kl. 17:04]

Merkilegt að það skuli alltaf vera sams konar öfl sem beiti sér gegn aðild að Evrópusambandinu - bændur, kvótaeigendur og aðrir sem selja innlenda framleiðslu.

Ástæðan fyrir því er ekki sú að hagsmunum Íslendinga sé betur borgið utan ESB heldur frekar (líkt og Rafn benti á) hagsmunum þeirra. Með aðild að Evrópusambandinu falla niður tollar á evrópska framleiðslu sem byði neitendum ódýrari kost í matarmálum (og mörgu öðru). Í staðinn fyrir að kaupa rándýrt íslenskt kjöt (sem mörgum finnst ekkert betra en annað kjöt, þvert á það sem þjóðrembur segja) gætum við keypt ódýrt evrópskt kjöt ef við vildum. Það þarf ekki að segja neinum að þetta yrði gífurleg kjarabót fyrir alla - ef frá eru taldir bændurnir.

Ísland í ESB - fyrir fólkið í landinu!

[bibbi (IP-tala skráð) 6.3.2013 kl. 18:06]

hvernig er það, þarf ekki gjaldeyri til að flytja inn matvöru og eigum við nóg af honum og hvernig er það með þetta fólk sem vinnur við  landbúnað og matvælaframleiðslu í dag, er til önnur störf fyrir það ef innfluttningur  myndi aukast? held ekki allavega hefur þessari ríkisstjórn gengið illa að skapa störf.

[Guðrún (IP-tala skráð) 6.3.2013 kl. 20:46]

Skarplega athugað, Bibbi

Innlend framleiðsla skapar gjaldeyri og sparar hann til þess að við getum flutt inn það sem okkur vanhagar um. Þeir sem kokgleypa allan áróður gegn grunngreinum okkar, hugsa ekki einu sinni í eitt augnarblik út í þann þátt.

Við inngöngu Íslands í ESB lækkar sum vara og þjónusta í verði á meðan önnur hækkar.

Þá kjósa sumir að loka augunum fyrir því að matvælaverð hér á landi er svipað og í þeim löndum sem við viljum bera okkur saman við.

Heilt yfir er okkar innlenda framleiðsla að standa sig með prýði. Gríðarleg uppbygging hefur verið í bæði sjávarútvegi og landbúnaði okkur öllum til hags.

Þessi ríkisstjórn hefur ekki skapað störf, nema við hið opinbera. Þau störf kosta ríkissjóð ótrúlegt fjármagn, en á sama tíma hefur ríkisstjórnin ráðist að grunngreinum okkar. Þeim greinum sem spara og flytja gjaldeyri til landsins til þess að hann Alexander geti yfirleitt verslað sér smá munaðarvarning.

Ég er sannfærð um það að Íslandi sé betur borgið utan Evrópusambandsins og fagna ályktun Búnaðarþings.