RUV segir ráðamenn í Brussel hafa misst þolinmæði gagnvart Kýpur

RUV segir að Kýpur gæti hrökklast úr evrusamstarfinu takist ekki samningar um helgina. Svo virðist sem útvega þurfi sem svarar 2500 milljörðum króna á mánudag til að bjarga Kýpur. Miðað við mannfjölda og landsframleiðslu er þetta risavaxinn björgunarpakki.

Fréttmenn á erlendu fréttavakt RUV hafa lýsa ástandinu erlendis oft ágætlega. Best fer því á því hér að vitna til þeirra eigin orða eins og þau koma fyrir á vef RUV.

Ráðamenn í Kýpur hafa frest fram á mánudag til að afla ríkissjóði um 900 milljarða íslenskra króna og forða bankakerfinu frá algjöru gjaldþroti. Forseti Kýpur flaug til Brussel í morgun ásamt fjölmennri sendinefnd til að hefja neyðarviðræður við fulltrúa Evrópusambandsins.

Kýpur þarf meira en 1600 milljarða króna neyðarlán frá Evrópusambandinu til að koma í veg fyrir að bankakerfið fari endanlega á hliðina. Lánið fæst hins vegar ekki nema ríkissjóður Kýpur leggi fram 900 milljarða á móti en deilt er um hvaðan það fé eigi að koma.

Lagður hefur verið til björgunarpakki sem felur meðal annars í sér hömlur á fjármagnshreyfingar til að koma í veg fyrir áhlaup á bankana. Þá er aftur til umræðu að setja skatt á bankainnistæður en mikil andstaða er við þær hugmyndir meðal almennings. Stjórnvöld í Rússlandi segja að slíkur skattur myndi jafngilda eignaupptöku en allt að fjórðungur af innistæðum í kýpverskum bönkum eru í eigu Rússa sem nýta margir landið sem skattaskjól.

Ráðamenn í Brussel virðast hafa misst alla þolinmæði gagnvart Kýpur og hafa meðal annars lagt áherslu á að ekki sé lengur líðandi að hafa skattaskjól innan evrusvæðisins, slíkt samræmist ekki markmiðum myntsamstarfsins. Takist ríkisstjórninni ekki að verða sér úti um fé áður en markaðir opna á mánudaginn munu allar lánalínur lokast sjálfkrafa og eyríkið einangrast frá alþjóðlega fjármálaheiminum.

Það gæti þýtt að Kýpur hrökklaðist út úr evrópska myntsamstarfinu og myndi það setja skuggalegt fordæmi fyrir önnur skuldsett evruríki sem einnig standa frammi fyrir sársaukafullum aðgerðum.

Athugasemdir

[Anna Sigríður Guðmundsdóttir, 23.3.2013 kl. 14:52]

Brusselskt skattaskjól í anda friðarbandalags? Voru ráðamenn þar á bæ núna fyrst að fatta spillingar-villuna í sínu kerfi?

Er þetta traustvekjandi sambands-stjórn?

M.b.kv.

[Eyjólfur G Svavarsson, 23.3.2013 kl. 16:42]

Anna! Nei, og verður ekki! Og við eigum ekkert erindi þangað að mínu mati!!

[Anna Sigríður Guðmundsdóttir, 23.3.2013 kl. 17:26]

Eyjólfur. Já, það er víst nóg af spillingu á Íslandi, þótt við séum ekki að flytja inn enn meiri spillingu, og borga þar að auki fyrir "herlegheitin". EES-samningurinn er brautarteinarnir fyrir þessa spillingu, að mínu mati. Sumir tala um að Ísland hafi grætt á þeim samningum, þrátt fyrir að sá samningur hafi gert Íslandi það auðvelt að verða gjaldeyris-þrota.

Hver var nú eiginlega EES-gróðinn, og fyrir hverja?

M.b.kv.

[Jón Steinar Ragnarsson, 24.3.2013 kl. 01:29]

Þeir eru semsagt fyrst að átta sig á þessu 5 árum eftir að Kýpur uppfyllti skilyrðin og tóku upp Evru. Hljómar ekki sannfærandi. Lýðskrumið er orðið þeirra aðaltungumál.

Ef þetta samræmist ekki "hugsjónum" ESB, hvað ætla þeir að gera í þessum löndum innan sambandsins og í EES?

Bahamas

Cyprus

Liechtenstein

Luxembourg

Monaco

San Marino

Seychelles:

Campione d'Italia, Italy

Bermuda (United Kingdom)

British Virgin Islands (United Kingdom)

Cayman Islands (United Kingdom)

Jersey (United Kingdom)

Guernsey (United Kingdom)

Isle of Man (United Kingdom)

Turks and Caicos Islands (United Kingdom)

[Jón Steinar Ragnarsson, 24.3.2013 kl. 01:31]

Að því að ég best veit, þá luta þessi skattaskjól stjórn ESB landa að mestu eða öllu leyti.