Örvænting Össurar

Það er skiljanlegt að Össur Skarphéðinsson utanríkisráðherra sé örvæntingarfullur þessa dagana. Hann sér fram á að helsta pólitíska stefnumál hans og þess flokks sem hann tók þátt í að stofna sé að renna út í sandinn. ESB-umsóknin er í undarlegu limbói, ekki síst fyrir verknað hans sjálfs.

Össur lætur einskis ófreistað að halda fram málstað sínum í ræðu og riti þessa dagana. Hann veit sem er að hans hjartans mál er í hættu statt. Hann þvertekur reyndar fyrir að hann sé ástfanginn af ESB, en öll hans hegðun ber annað með sér. Hann málar upp mjög dökka mynd af því sem gæti orðið ef aðlögunarferlinu verður hætt, talar um hættu fyrir orðspor Íslands, hættu á einangrun, slæmum kjörum og svo fram eftir götunum.

Viðbrögð Össurar eru skiljanleg. Erindi hans í pólitík hefur verið að koma Íslandi inn í ESB allt frá því er hann gerðist pólitískur fóstursonur Jóns Baldvins Hannibalssonar í Alþýðuflokknum fyrir fáeinum áratugum. Við stofnun Samfylkingarinnar var í upphafi óljóst hvaða stefna yrði tekin í ESB-málum og það mál látið liggja í láginni til að byrja með. En svo var það Össur sem hratt flokknum á ESB-veginn með því að koma með glannalegar yfirlýsingar í kosningabaráttu Samfylkingarinnar um að stefna bæri að inngöngu í ESB. Fyrir vikið urðu Margrét Frímannsdóttir og fleiri úr Alþýðubandalaginu heldur súr, en Össur hafði sitt í gegn smám saman, meðal annars í gegnum kosningu sem fimmtungur flokksmanna eða svo tók þátt í þótt kosning væri bréfleg.

Samfylkingin þurfti á sinni sérstöðu að halda og sú sérstaða fólst smám saman í afstöðunni til ESB. Af sinni alkunnu kænsku tókst Össuri og fleirum að véla Vinstri græna inn á að sækja um aðild við síðustu stjórnarmyndun þótt VG væri að forminu til á móti inngöngu. Ætlunarverkið var við það að takast að mati Össurar og fleiri Evrópu-krata í Samfylkingunni. Flestir bjuggust við að aðildarviðræður tækju skamman tíma. Fyrirheitna landið var í seilingarfjarlægð.

En draumurinn varð að martröð. Vinstri grænir ráðherrar á borð við Jón Bjarnason og óbreyttir flokksfélagar Vinstri grænna spyrntu við fótum. Þjóðin snérist svo algjörlega öndverð gegn þessum áformum ríkisstjórnarinnar. Að endingu sá Össur utanríkisráðherra sig svo knúinn til að samþykkja að hægt yrði á samningaviðræðum, að minnsta kosti að nafninu til.

Nú vilja stærstu stjórnarandstöðuflokkarnir hætta þessu þrasi, því þeir eru á móti aðild að ESB. Það er bara spurningin um hvernig þessu verður hætt. Flokkur Össurar er kominn algjörlega út í kuldann og mælist nú með með fylgi undir 10 prósentum og er því kominn í svipaða stöðu og Alþýðuflokkurinn var áður.

Það er því skiljanlegt að Össur og fleiri samfylkingarmenn séu örvæntingarfullir.

„Ég er ekki ástfanginn af ESB“

Athugasemdir

[Rafn Guðmundsson, 5.4.2013 kl. 20:42]

össur og aðrir já sinnar þurfa ekki að hafa neina áhyggjur. esb lestin verður ekki stöðvuð. kannski pása en ekkert annað

[Jóhann Kristinsson, 6.4.2013 kl. 01:29]

Ertu með hita með þessu Rafn?

Farðu þá á norænavelferðasjúkrahús hennar JóGrímu, þú hefur bara 21 dag til að njóta þess.

Kveðja frá Houston

[Helga Kristjánsdóttir, 6.4.2013 kl. 02:33]

Það er nú svo gott að hann komist inn,ein vinkona mín kom uppgefin eftir daginn,það mæddi mjög mikið á fáum,allt er skorið við nögl.

[Atli Hermannsson., 6.4.2013 kl. 09:29]

Ferlið verður ekki stöðvað sama hvernig Alþingi verður skipað eftir kosningar. Því Seðlabankinn, Samtök Iðnaðarins, Alþýðusambandið, Samtök atvinnulífsins og Verslun og þjónusta, ásamt fleirum hagsmuasamtökum munu ekki láta það gerast. Meira að segja er andstaða LÍÚ gegn ESB inngöngu einnig að renna út í sandinn.

[Helga Kristjánsdóttir, 6.4.2013 kl. 12:53]

Engin samtök megna það sem óbreyttir kjósendur gera. Formenn samtaka hafa alltaf orðið og hagræða því. Síðan eru samtök bænda,sveitafélaga ofl. heit á móti esb.

[Jóhann Kristinsson, 6.4.2013 kl. 13:06]

Say good bye to ESB Atli.

Kveðja frá Houston

[Sandy, 7.4.2013 kl. 10:41]

Ég er nú ekki svo viss um sveitarfélögin Helga ég held í mörgum tilfellum þau væru til í að selja ömmu sína fyrir peninga, a.m.k. er mitt bæjarfélag auralaust og mundi sjá ofsjónir yfir þeim styrkjum sem koma frá ESB.

Ef einhver ESB-sinni væri spurður um hvað almenningur hefði upp úr því að ganga inn í ESB yrði svarið væntanlega sama og kom frá formanni verslunar og þjónustu þ.e. við fáum ódýrari kjúklinga, en ekki ódýrari en svo að sem nemur innflutningsgjöldum, sem að mínu áliti er hægt að lækka eða afnema án þess að ganga í ESB. Össuri var ansk..... nær að fara eftir tillögu Sjálfstæðismanna í upphafi ferlisins og fá úr því skorið hvort þjóðin vildi fara í þetta ferli, í stað þess að eyða öllum þessum peningum upp á von og óvon.