Af hverju er ráðherrann að ítreka að Kýpur muni ekki yfirgefa evrusamstarfið?

Það er merkilegt að fjármálaráðherra Kýpur skuli þurfa að ítreka æ ofan í æ að landið sé ekki á leiðinni að yfirgefa evrusamstarfið. Ástæðan er sú að sú krafa og þau sjónarmið eru lífseig að best væri fyrir landið að hætta að nota evruna og taka upp eigin mynt.

Kýpverjar eru margir hverjir öskuillir yfir því hvernig ESB og Seðlabanki Evrópu tóku á þeirra málum. Ráðherrann þarf greinilega að hafa sig allan við til að verjast þeim sem vilja segja skilið við evruna.

Myndi færa Kýpur aftur um aldir

Athugasemdir

[SonK (IP-tala skráð) 8.4.2013 kl. 16:23]

Það er merkilegt að Mogginn skuli ekki hafa þýðendur sem eru læsir á einhver erlend tungumál á sínum snærum. Og það getur varla verið mikið um ítrekanir æ ofan í æ hjá fjármálaráðherra sem hefur verið 5 daga í starfi. 

[Ásmundur (IP-tala skráð) 8.4.2013 kl. 17:19]

Þetta er mikill misskilningur. Eins og Grikkir vilja Kýpverjar alls ekki gefa evruna upp á bátinn.

Fjármálaráðherrann á við að engin hætta sé á að Kýpverjar neyðist til þess.

[Rafn Guðmundsson, 8.4.2013 kl. 17:30]

hvar kemur það fram að

"fjármálaráðherra Kýpur skuli þurfa að ítreka æ ofan í æ að landið sé ekki á leiðinni að yfirgefa evrusamstarfið"

allaveg ekki í þessari grein sem þið vísið í núna