Frostavetur í Grikklandi

Staðan í Grikklandi er orðin ískyggileg. Framleiðsla minnkar ár frá ári og atvinnulausum fjölgar stöðugt, en 27 prósent vinnufærra manna eru nú án atvinnu.

Grikkir líta ekki björtum augum til framtíðar, þeim finnst öryggið vera lítið og kollsteypurnar að undanförnu miklar.

Á sama tíma kynnir Samfylkingin hér á landi þau stefnumál sín að með aðild að ESB og upptöku evru verði tryggt öryggi hér á landi, engar kollsteypur og trygg framtíð.

Er ekki þörf á því að koma samfylkingarforystunni í frjálst ferðalag um Evrópu, svona svipað og ungt fólk fer í, þar sem forystan mun hitta venjulegt fólk, en ekki aðeins málpípur ESB?

Verðhjöðnun í Grikklandi

Athugasemdir

[Rafn Guðmundsson, 9.4.2013 kl. 19:34]

endilega benda okkur á hvar þetta er að finna:

tryggt öryggi hér á landi, engar kollsteypur og trygg framtíð.

ég hef ekki lesið stefnuskránna þeirra en ég er nokkuð viss um að þetta sé ekki þar.

[Heimssýn, 9.4.2013 kl. 20:29]

Þetta kom fram í máli fjármálaráðherra og formanns Samfylkingar í fjölmiðlum eftir kynningarfund sem flokkurinn var með í dag - sjá t.d. hér í lokin: http://www.visir.is/bjartsyn-thratt-fyrir-kannanir/article/2013130409157 

[Heimssýn, 9.4.2013 kl. 20:33]

Að ofan átti að standa: ....fjármálaráðherra og varaformaður ....

[Rafn Guðmundsson, 9.4.2013 kl. 21:12]

takk fyrir viðbrögð. kannski er ég svona smámunasamur en mér finnst þetta:

Á sama tíma kynnir Samfylkingin hér á landi þau stefnumál sín að með aðild að ESB og upptöku evru verði tryggt öryggi hér á landi, engar kollsteypur og trygg framtíð.

ekki það sama og þetta:

„Ég tel þetta eitt af okkar stærstu málum því umræðan um aðild að Evrópusambandinu snýst um það að við viljum örugga framtíð. Við viljum framtíð sem býður upp á stöðugleika. Framtíð þar sem við vitum sirkabát hvað kostar að kaupa í matinn og þar sem eru ekki stöðugar kollsteypur."

skoðaði líka vídeóið með fréttinn og sýnist Vísir hafa endurritað þetta rétt.