Mistök hjá Kýpur að taka upp evru segir fyrrum utanríkisráðherra

Það voru mistök hjá Kýpur að taka upp evru árið 2008 sagði fyrrum utanríkisráðherra Kýpur í viðtali við Egil Helgason í Silfri Ríkissjónvarpsins í dag. Hún sagði jafnframt viðbrögð þríeykisins svokallaða, ESB, AGS og Seðlabanka Evrópu væri að ganga frá Kýpverjum dauðum.

Ráðherrann fyrrverandi, Erato Kozakou-Marcoullis, sagði Kýpverja marga vera undrandi yfir þeirri hörku sem ESB sýndi gagnvart þeim í yfirstandandi kreppu. Hún sagði að sú aðferð sem þríeykið svokallaða hefði ætlað að fara gagnvart sparifjáreigendum - aðferð sem kölluð var að snoðklippa sparifjáreigendur - hefði vakið upp hörð viðbrögð, ekki aðeins á Kýpur, heldur einnig á Möltu, í Luxemborg og í alþjóðlegum fjölmiðlum víðar í Evrópu og Bandaríkjunum.

Kýpverjar búa nú við miklar þrengingar, sagði ráðherrann fyrrverandi, og á henni og Agli Helgasyni var að heyra að betra hefði verið fyrir Kýpverja að halda sig við sitt gamla pund.

- Þið Íslendingar eruð á mörgu leyti fyrirmynd annarra, sagði ráðherrann, og var þar greinilega með það í huga hvernig Íslendingar hefðu tekist á við kreppuna. Þið eruð ákveðin og sjálfstæð sagði ráðherrann. Við erum hins vegar háð ESB, bætti hún við - And they are killing us!

 

 

Athugasemdir

[Ásmundur (IP-tala skráð) 14.4.2013 kl. 23:01]

Árinni kennir illur ræðari.

Mistök Kýpverja voru að leyfa bankakerfinu að vaxa svo mikið að það varð óviðráðanlegt. Kannski hefur evran hjálpað til við það en hún var ekki orsökin.

Við höfðum ekki evru en þó óx bankakerfið enn meira hjá okkur.

[Hans Haraldsson (IP-tala skráð) 15.4.2013 kl. 00:18]

Ásmundur: Það eru 17 ríki á Evrusvæðinu og af þeim hafa 5 þurft neyðaraðstoð. Að auki er allt útlit fyrir að Slóvenía muni þurfa neyðarlán fljótlega og Ítalía rambar á brúninni.

Ég myndi raunar halda því fram að þau fari bæði örugglega fram af fyrr eða síðar og fleiri á eftir vegna þess að á svæðinu er óleystur kerfisvandi en jafnvel þótt sú umræða sé sett til hliðar þá hlýtur þú að fallast að að efnahagslegar kollsteypur í þróuðum ríkjum eru áberandi tíðari innan Evrusvæðisins en utan - jafnvel þótt Íslendingum hafi tekist að koma sér í vanda án aðstoðar evrunnar.

[Elle_, 15.4.2013 kl. 00:31]

Styrmir Gunnarsson:
Aðildarsinna á Íslandi varðar ekkert um kaldann veruleikann í evrulöndum 

Allar fréttir sem berast frá Evrópu þessa dagana afsanna fullyrðingar aðildarsinna að Evrópusambandinu hér á á Íslandi um að aðild að ESB og upptaka evru mundi þýða nýjan og áður óþekktan stöðugleika hér.

Hvernig getur þetta fólk hér haldið því fram að í Grikklandi ríki eitthvað sem hægt er að kalla „efnahagslegan stöðguleika“. Það kann að vísu að vera hægt ef eingöngu er horft til stöðu banka. Það hafa milljarðatugir evra verið settir í að bjarga bönkum í Grikklandi.

Á síðasta ári yfirtóku bankar á Spáni rúmlega 30 þúsund heimili eða 115 heimili dag hvern. Þetta ástand hefur leitt af sér þjóðfélagslegan óróa á Spáni. Grasrótarsamtök á borð við samtök sem nefnast Fórnarlömb veðlána hafa skipulagt mótmæli fyrir utan heimili ráðandi stjórnmálamanna. Yfirvöld hafa gripið til þess ráðs að auðkenna mótmælendur og senda þeim sektarmiða upp á 6000 evrur eða um eina milljón króna.

Ekki þarf að hafa mörg orð um það sem gerzt hefur á Kýpur að undanförnu og nú er að koma í ljós að Kýpverja vantar enn meira fé til að endar nái saman og hafa nú orð um að selja gullforða sinn!

 

Evrópuvaktin:
„Portúgalir munu aldrei geta greitt skuldir sínar, sama hve mjög þeir þrengja sultarólina. Geti menn ekki borgað er eina ráðið að borga ekki. Þegar Argentínumenn gengu í gegnum kreppu borguðu þeir ekki. Gerðist eitthvað? Nei, það gerðist ekkert.“

Björn Bjarnason:
Það er ótrúlegt að allar viðvaranir sem berast frá evru-löndunum um erfiðleikana sem við er að etja þar, einkum í jaðarríkjum, skuli ekki breyta neinu um afstöðu þeirra sem enn berjast fyrir aðild Íslands að ESB og leyfa sér að láta eins og allt færi á betri veg hér með evru sem gjaldmiðil.  

[Elle_, 15.4.2013 kl. 01:19]

Gleymdi einu:

Styrmir Gunnarsson:

Í Dublin sitja fjármálaráðherrar evruríkja á fundi og fyrir utan fundarstaðinn standa mótmælendur enda stendur nú ekki steinn yfir steini í þeirri aðgerð ESB/SE að knýja írsk stjórnvöld fyrir fjórum árum til að taka ábyrgð á öllum skuldbindingum írskra einkabanka.

[Ásmundur (IP-tala skráð) 15.4.2013 kl. 08:16]

Hans, það sem dregur athyglina að evruríkjunum er samábyrgð ESB og viðleitni þess til að leysa vandamálin.

Margir hafa einnig hag af því að blása þessi vandamál upp. Þeir sjá ofsjónum yfir uppgangi evru sem ógnar stöðu bandaríkjadollars sem helstu myntar alþjóðlegra viðskipta.

Mörg lönd utan evrusvæðisins eru ekki í minni vandamálum en eru í aðstöðu til að sópa þeim undir teppið. Það kemur að skuldadögunum.

Vandamál evruríkjanna eru af mismunandi toga en eiga það sameiginlegt að hægt er að greina ástæðuna án þess að evra eigi þar neinn hlut að máli.

Það er svo annað mál að sumar þessara þjóða hafa ekki áttað sig á hvað það þýði að vera með evru og því flotið sofandi að feigðarós í algleymi.

Menn verða auðvitað að læra á þau tæki sem þeir nota. Annars getur hagurinn af þeim snúist upp í andhverfu sín.

Allavega ætti öllum að vera ljóst að vandamál evrunnar eru barnaleikur í samanburði við vandamál krónunnar.

[Ásthildur Cesil Þórðardóttir, 15.4.2013 kl. 10:00]

Ótrúleg afneitun ESB sinna, það er alveg sama hvað gengur á, þeir berja hausnum við steininn.  Það þarf að koma þessu fólki til geðlæknis.

[Kristján P. Gudmundsson, 15.4.2013 kl. 14:52]

Ásthildur Cesil, ég er þér hjartanlega sammála, en spurningin er, hvort læknar eða sálfræðingar eigi ráð , sem dugi gegn þráhyggju af þessum toga ? Nema þetta sé vitsmunaskortur ???!

Kveðja, KPG.

[Ásthildur Cesil Þórðardóttir, 15.4.2013 kl. 17:02]

Já það er spurning, þá gagnast enginn ráð. 

[Ásmundur (IP-tala skráð) 15.4.2013 kl. 20:02]

Kostuleg Ásthildur og Kristján.

Hér sprikla þau heilaþvegin algjörlega ófær um að standa fyrir máli sínu. Viðbrögðin sýna vel örvæntingu þeirra.

Mér finnst svona flónska bráðfyndin.

.

[Ásthildur Cesil Þórðardóttir, 15.4.2013 kl. 21:59]

Vá Ásmundur nú toppaðir þú sjálfan þig í vitleysunni