Íbúar Evrópu vantreysta ESB!

Meirihluti almennings í sex stærstu Evrópulöndunum vantreysta ESB. Hlutfall þeirra sem vantreysta ESB er 72% á Spáni, 69% í Bretlandi, 59% í Þýskalandi, 56% í Frakklandi, 53% á Ítalíu og 47% í Póllandi.

Traust almennings á ESB hefur snarminnkað undanfarin fimm ár.

Þetta kom fram í könnun sem gerð var í nóvember í Þýskalandi, Frakklandi, Bretlandi, Ítalíu, Spáni og Póllandi sem Lundúnablaðið Guardian greinir frá - og fréttastofa RUV segir frá fyrir skömmu. Í fimm af löndunun sex vantreystir meirihlutinn sambandinu.

Nú er það spurningin hvort Samfylkingin og Björt framtíð fylgist með því sem er að gerast í Evrópu.

Athugasemdir

[SonK (IP-tala skráð) 25.4.2013 kl. 11:53]

Vantraust Íslendinga á Alþingi hefur undanfarna áratugi verið í hærri kantinum. Stundum farið vel yfir 90%. Í ljósi þess þá virðast íbúar Evrópu hafa þarna eitthvað sem virkar betur og fólk er ánægðara með. Og jafnvel á Spáni, þar sem 72% vantreysta ESB, eru samt yfir 80% fylgjandi Evrunni. Fylgjendur Krónunnar hér eru ekki nema um helmingur.

Nú er það spurningin hvort einangrunarsinnar fylgist með því sem er að gerast á Íslandi þegar ESB á hug þeirra allan.

Hví sér þú flísina í auga bróður þíns, en tekur ekki eftir bjálkanum í auga þínu?

[Heimssýn, 25.4.2013 kl. 13:51]

Við vitum vel hvað er að gerast hér á landi, þótt við séum ekki sérstaklega að fjalla um það í innskotinu hér að ofan, og við fögnum því að traust á ýmsum stofnunum hér á landi hefur aftur verið að aukast. Þróunin í ESB, sem við erum að fjalla um hér að ofan, virðist vera meira og meira í þá átt að Evrópubúar vantreysti ESB og þeir skynja betur og betur hvílíkar ógöngur evran hefur komið þeim í, samanber það sem er að gerast í Þýskalandi þar sem nýr stjórnmálaflokkur hefur verið stofnaður sem treystir ekki evrunni og efnahagsráðgjafi ríkisstjórnar Þýskalands spáir endalokum evrunnar. Atvinnuleysi fer vaxandi hennar vegna á Spáni og víðar og fátækt breiðist út. Fólk hefur reyndar takmarkaðan áhuga á ESB eins og kosningar til ESB-þingsins sýna, því þingið og stofnanirnar eru fjarlægar og fólkinu finnst það lítil áhrif hafa á það sem embættis- og stjórnmálaelítan þar eru að bardúsa.