Fátækir Grikkir borga fyrir lúxus í Hörpu

Íslendingum er boðið á ókeypis tónleika ungra evrópskra listamanna í Hörpu á morgun. Tónleikarnir eru m.a. í boði Grikkja, Kýpurbúa og annarra ESB-þjóða sem nú eiga um sárt að binda, en ESB hefur tekið af sameiginlegum verðmætum Evrópubúa til að leggja í Evrópustofu sem kostar þessa tónleika.

Unga tónlistarfólkið sem kemur fram er án alls vafa mjög fært á sínu sviði og leikur án efa tónlist sem unun er á að hlýða. Það er við hæfi að flutt verði tónlist eftir Richard Wagner, auk þess sem fluttur verður Óður Beethovens til gleðinnar, sem Evrópustofa segir að sé einkennislag Evrópusambandsins!

Á meðan hlustað er á þessa frábæru tónlist eru svo tónleikagestir beðnir um að láta hugann reika til þeirra Evrópubúa sem nú eiga um sárt að binda vegna smíðagalla ESB og evrunnar.

 

Athugasemdir

[Jóhann Kristinsson, 11.5.2013 kl. 02:45]

Vonandi fá fátækar íslenzkar fjölskyldur allt sem safnast, síðast þegar ég las þá er Ísland talið sem evrópst land og á þess vegna á skilið að fá allt sem safnast.

Grískir og kýpverskir fátæklingar eiga ekkert frekar skilið að fá það sem safnast frekar en íslenzkir fátæklingar.

Kveðja frá Houston