ESB sendi Íslandsstarfsfólkið í önnur verkefni

Hvað á nú að gera við alla þá starfsmenn ESB sem voru í vinnu við koma Íslandi inn í sambandið? Það er ljóst að þetta fólk hefur nú ekkert að gera í þeim málum.

Verður utanríkisráðherra ekki bara að taka örlítið skýrar fram að þessar viðræður verði alveg stöðvaðar um fyrirsjáanlega framtíð svo að hægt sé að ganga frá starfslokasamningum við starfsfólkið eða finna því önnur verkefni?

Við getum ekki látið alla þessa starfsmenn vera í óvissu um framtíð sína í þessum efnum.

Kannski vantar einhverja í hvalskurð?

ESB telur sig þurfa frekari skýringar

Athugasemdir

[Haukur Kristinsson (IP-tala skráð) 20.6.2013 kl. 17:28]

"Kannski vantar einhverja í hvalskurð?"

Arrogance íslenskra hillbilla, sem voru með allt niður um sig fyrir örfáum árum og betlistafinn á lofti.

[Elle_, 20.6.2013 kl. 21:45]

Kannski vantar einhverja í hvalskurð?

Nokkuð góð spurning þó Brusselfarar hafi engan humor fyrir að vinnumenn þeirra fari að vinna í alvöru - niðurlægingin búin að vera of erfið fyrir blessað fólkið.  Óttist þeir hval, geta þeir kannski slægt þorsk?

[SonK (IP-tala skráð) 21.6.2013 kl. 11:58]

Það er allavega siðaðra manna háttur og almenn kurteisi að stofni menn til viðræðna, eins og við gerðum, þá láti þeir vita hvað þeir ætli að gera þegar hik kemur á ferlið. "Kannski, sjáum til og við ákveðum okkur e.t.v. í vetur" eru frekar aum svör frá fólki sem vill láta taka sig alvarlega. Það ætti að vera óþarfi að haga sér eins og afdala þurs og strunsa bara í burtu hafi menn einhverja hugmynd um hvernig eða hvort þeir vilji halda áfram.

[Jón Sveinsson, 22.6.2013 kl. 14:21]

Það þarf ekkert að skaffa þessu fólki vinnu frekar en þeim sem hafa verið atvinnulausir á meðan vinstristjórn var við völd það getur leitað að vinnu eins og aðrir.