Getur einhver botnað fyrripart um atvinnu í e ess bé?

Það eru engar nýjar fréttir að atvinnuleysið sé að aukast í ESB. Um 25 milljónir manna eru án atvinnu, eða ríflega 12% af vinnuaflinu. Verst er ástandið meðal ungs fólks.

Það er því spurning hvort þessi fyrripartur eigi ekki við - og spurning hvort einhver geti botnað?

Atvinnu í e ess bé,
enga er að fá.

............

...............

24,4 milljónir án vinnu innan ESB

Athugasemdir

[Jón Steinar Ragnarsson, 1.7.2013 kl. 14:09]

Samt mun ómælt styrktarfé

Streyma þaðan frá.

[Anna Ólafsdóttir Björnsson, 1.7.2013 kl. 16:45]

Ungir eiga ekkert fé

og aldnir fara frá. 

[V.Jóhannsson (IP-tala skráð) 1.7.2013 kl. 16:55]

Þessi frétt segir ekkert um ástandið í EU.

Svíar t.d. veittu 15.300 innflytjendum frá Norður-Afríku og Miðausturlöndum dvalarleyfi á síðasta ári, sem eru flestir atvinnulausir. Hin árin hafa verið í svipuðum dúr hjá þeim. Innflytjendur flæða inn í EU og eru orsakavaldurinn fyrir svona háum atvinnuleysis tölum.

99% af þessu fólki er ómenntað.

[Heimssýn, 1.7.2013 kl. 17:32]

Þakkir fyrir góða seinniparta.

[Birgir Guðjónsson (IP-tala skráð) 1.7.2013 kl. 18:27]

V.Jóhannsson skrifaði:

"Þessi frétt segir ekkert um ástandið í EU."

Segðu ungum Spánverjum það !

[V.Jóhannsson (IP-tala skráð) 1.7.2013 kl. 18:44]

BG - Atvinnuleysi ungra spánverja er ekkert nýtt fyrirbrigði.

Prósentan er ekkert hærri í dag en fyrir 20 - 30 árum og kemur EU ekkert við.

Þá var ekki túrisminn, sem nú bjargar mörgum og svo gleymir þú svörtu vinnunni í dag, sem er mjög mikil á Spáni.

[Heimssýn, 1.7.2013 kl. 20:06]

Hin sameiginlega mynt, evran, hefur valdið því að samkeppnishæfni Spánverja, Ítala, Grikkja og fleiri hefur dalað gagnvart Þjóðverjum, Austurríkismönnum og fleirum. Þetta er vegna mismunandi verð- og kostnaðarþróunar í löndunum. Fyrir vikið hafa Spánverjar orðið undir, þar hefur verið þrálátur viðskiptahalli og skuldasöfnun - og atvinna ekki þróast með jafn jákvæðum hætti og í Þýskalandi. Þannig er atvinnuleysið nú að miklum hluta til bein afleiðing af evrunni á jaðri evrusvæðisins. Finnar eru meira að segja farnir að finna fyrir sams konar áhrifum.

Sjá meðal annars:

http://www.tradingeconomics.com/spain/current-account