Grikkir enn í standandi vandræðum

Fréttir frá Grikklandi bera enn með sér að þeir séu í standandi vandræðum. Það er líka óróleiki á Ítalíu og í Portúgal.  

Viðskiptavefur dagblaðsins Berlingske segir að tillögur Grikkja verði að liggja fyrir á föstudaginn því fjármálaráðherrar evrulandanna þurfi að fara yfir þær og ræða á fundi á mánudaginn kemur.

Þetta er ekki í fyrsta sinn sem Grikkir verða að hafa hraðar hendur til að forða þjóðargjaldþroti en nú þarf gríski ríkissjóðurinn að fá neyðarlán upp á 8,1 milljarða evra til að geta meðal annars endurfjármagnað lán upp á 2,2 milljarða sem er á gjalddaga í ágúst.

Alþjóða gjaldeyrissjóðurinn gæti neyðst til að hætta lánveitingum til Grikkja ef Grikkjum tekst ekki að sýna fram á fjármögnun reksturs ríkissjóðs næstu 12 mánuði en lánareglur Alþjóða gjaldeyrissjóðsins kveða á um að slík áætlun verði að liggja fyrir.

Ofangreint kemur fram á fréttavefnum Eyjan.is 

Athugasemdir

[Haukur Kristinsson (IP-tala skráð) 3.7.2013 kl. 13:54]

Þórðargleði hjá Heimssýn.

Skammist ykkar!

[Heimssýn, 3.7.2013 kl. 18:07]

Er ekki ástæða til að fjalla um vandræðin í ESB- og evrulöndunum? Hér er verið að vitna til skrifa fréttamiðilsins Eyjan.is um þetta efni. Þróunin á evrusvæðinu skiptir verulegu máli fyrir útflutning og þar með hag Íslendinga, fyrir utan að hún skiptir verulegu máli fyrir alla álfuna og í raun heiminn allan.

Þess vegna er eðlilegt og rétt að fylgjast vel með því sem er að gerast á ESB- og evrusvæðinu.

Einar Björn Bjarnason skrifar nýlegan bloggpistil um þetta efni sem fróðlegt getur verið að kynna sér:

http://einarbb.blog.is/blog/einarbb/entry/1304882/