Það verður aldrei sátt um ESB - hvergi

Það er rétt hjá Gunnari Braga Sveinssyni utanríkisráðherra að það verður seint sátt um Evrópusambandið. Þrátt fyrir að þjóðir hafi verið í því í áratugi eru skoðanir mjög skiptar og deilur harðar. Það nægir að vísa til Bretlands í þeim efnum, en sams konar staða er þó víðast hvar.

Skoðanakannanir benda til að jafnvel í ESB-ríkjum með evru er stór hluti þjóða hverju sinni sem vill hvorki sjá evruna né vera í ESB.

Svo voru menn að tala um að gera ESB að Bandaríkjum Evrópu!

Hversu margir Bandaríkjamenn skyldu vilja losna við dollarann og kljúfa Bandaríkin upp í einingar sínar?

Það er því alveg rétt hjá Gunnari Braga að ESB er og verður deilumál hvort sem þjóðir ganga í það eða ekki.

Það má því segja að ESB sé algjört ófriðarbandalag. 

ESB er og verður deilumál

Athugasemdir

[Jón Frímann Jónsson, 15.1.2014 kl. 03:02]

Samkvæmt þessum tveim könnunum hérna. Þá ríkir mikil sátt meðal almennings um Evrópusambandið.

Könnun vor 2013.

Könnun haust 2013.

Báðar kannanir eru fengnar héðan.

Það er auðvitað að Evrópuandstæðingar á Íslandi séu uggandi yfir þessum staðreyndum. Enda hafa dómsdagsspár þeirra reynst vera tóm vitleysa og rugl.

Aðrar fullyrðingar Evrópuandstæðinga á Íslandi eru á svipuðu róli. Tóm þvæla sem er ekki í neinu samræmi við raunveruleikann.

Evrópusambandið verður aldrei að Bandaríkjum Evrópu. Slíkt eru bara draumar ákveðins fólks í Evrópu, sem verða aldrei að veruleika. Þar sem engin pólitískur vilji er til slíks. Það er hinsvegar hentugt að nota slíkt í málflutning eins og þann sem Heimssýn stundar á Íslandi (í boði LÍÚ).