Gjaldeyrishöft skjóta rótum í evrulandinu Kýpur

Það er bráðum ár síðan gjaldeyrishöft voru innleidd í evrulandinu Kýpur. Þrátt fyrir ýmsar breytingar á þeim bendir ekkert til þess að þau verði afnumin í bráð. Atvinnuleysi er nú um 20% á Kýpur og skuldir fara almennt vaxandi.

 

Þetta kemur fram í Ríkisútvarpinu í dag.

 

Þar segir að landið hafi fengið neyðarlán upp á 10 milljarða evra í fyrra, eða sem svarar um helmingi landsframleiðslu. Ný skýrsla frá AGS sýnir að efnahagur eyjunnar stendur enn á brauðfótum. Sem kunnugt er þurftu innstæðueigendur að taka á sig tap bankanna á eyjunni. Ennfremur þurftu launþegar að taka á stig um 10% launalækkun. Þrátt fyrir það jókst atvinnuleysi verulega og er um 20% eins og áður sagði.

 

 

 

Athugasemdir

[Jón Frímann Jónsson, 21.1.2014 kl. 01:06]

Það eru engin gjaldeyrishöft á Kýpur. Það hafa hinsvegar verið í gildi úttektartakmarkanir í bönkum á Kýpur til þess að koma í veg fyrir bankaáhlaup.

Slíkt er ekkert óvenjulegt undir þeim aðstæðum sem þarna eru í gildi. Þarna. Þetta er eitthvað sem fólkið í Heimssýn á erfitt með að skilja. Fast í gjaldeyrishöftum íslensku krónunnar og gjaldeyrishöftin eru orðin fimm ára gömul og það styttist í að þau verði sex ára gömul.

[Heimssýn, 21.1.2014 kl. 18:02]

Það er verið að vísa í frétt RUV þarna. Fólk fær t.d. ekki að fara með gjaldeyrinn sinn úr landi. En vissulega má kalla þetta fjármagnshöft líka

[Guðmundur Ásgeirsson, 21.1.2014 kl. 19:26]

Evrópska myntbandalagið er í raun ein stór gjaldeyrishöft.

Í stað þess að þjóðríki gefi hvert út sinn gjaldmiðil eins og er venjulegt, eru þau gerð skyldug til þess að nota einhvern annan, sem er í þokkabót gefin út af einkahlutafélagi skráðu í Frankfürt.

Með því er fólk svipt valfrelsi í gjaldeyrisviðskiptum, að þvinga það til að nota þennan gjaldmiðil og engan annan.