Evran eykur fátækt á Spáni

Evran eykur fátæktina á Spáni. Rúmleg þriðjungur barna býr við fátæktarmörk. Ein af ástæðunum er kreppan á Spáni sem evran á hlut að. Aðhaldsaðgerðir ESB gera ástandið enn verra. Atvinnuleysi er nú tæplega 30% á Spáni.

Mbl.is segir svo frá:

 

Rúmlega þriðjungur spænskra barna búa við fátæktarmörk að sögn góðgerðasamtakanna Save the Children. Aðhaldsaðgerðir stjórnvalda á Spáni hafi ennfremur gert ástandið verra.

Fram kemur í frétt AFP að samtökin vísi í nýjustu tölur frá Evrópusambandinu þess efnis að 2,8 milljónir einstaklinga undir 18 ára aldri hafi verið við fátæktarmörk árið 2012. Það samsvararði um 33,8% spænskra barna. 

33,8% spænskra barna við fátæktarmörk

Athugasemdir

[Ufsi (IP-tala skráð) 31.1.2014 kl. 00:31]

Skrítið, að þrátt fyrir kreppuna og Evruna þá er samt er minni fátækt en Spánverjar þurftu oft að glíma við fyrir tíð Evru og ESB. En það passar víst ekki inní heimsmynd þína.

Stundum er eins og þú haldir að heimurinn hafi fæðst á fyrsta degi ESB og að hvergi hafi komið kreppa nema í Evruríkjunum. Er það fáfræði eða vísvitsandi blekkingar? Hversu sterkur er málstaðurinn þegar hann verður ekki varinn nema með blekkingum, rangfærslum og hálfsannleik?

[Heimssýn, 31.1.2014 kl. 12:36]

Ufsi virðist ekki þola að greint sé frá því sem er að gerast í Evrópu. Hann virðist vera hluti af þeirri nýju hreyfingu meðal ESB-aðildarsinna sem leggur áherslu á stóryrði í garð þeirra sem taka þátt í umræðunni, uppnefna þá og reyna að gera lítið úr þeim á alla lund. Richard North fjallaði í Háskóla Íslands í gær um þessa taktík ESB-aðildarsinna sem virðist vera gegnumgangandi um alla Evrópu. Skætingur, uppnefni og ómálefnalegur málflutningur er nú kominn í stað þeirrar málefnalegu umræðu sem einu sinni einkenndi ESB-aðildarsinna. Athugasemdir Ufsa hér á síðunni síðustu daga staðfesta þetta.