Unnur Brá Konráðsdóttir segir vilja til aðildar forsendu umsóknar

Unnur Brá Konráðsdóttir þingmaður Sjálfstæðisflokksins sagði í Sprengisandsþætti Bylgjunnar í morgun að það hefðu verið mikil mistök að fara í aðildarviðræður við ESB þegar ljóst að þjóðin vildi ekki ganga í Evrópusambandið. Því má bæta hér við að síðasta ríkisstjórn var klofin í málinu.

 

Eins og allir vita rann umsóknarferli Samfylkingar og Vinstri grænna út í sandinn fyrir um ári síðan. Unnur Brá bætti því við að í hennar huga væri alveg ljóst hvað ESB væri og fyrir hvað það stæði og þess vegna væri algjörlega hægt að hafna aðild nú þegar eins og stjórnarflokkarnir gera. 

Athugasemdir

[Haukur Kristinsson (IP-tala skráð) 2.2.2014 kl. 14:23]

"að í hennar huga væri alveg ljóst hvað ESB væri og fyrir hvað það stæði."

Ég hef alloft heyrt í þessari konu en hef ekki fundið að það sem býr í "hennar huga" sé það merkilegt að eiga erindi til þjóðarinnar.

Léttmeti!

[Gunnlaugur I., 2.2.2014 kl. 15:13]

Haukur Kristinsson-Þessi kona Unnur Brá Konráðsdóttir er kjörinn alþingismaður og hefur því fullt og lögmætt umboð og erindi við þjóðina.

Þú ræður sem betur fer litlu um það hvað sé merkilegt og hvað ekki og hverjir séu svo merkilegir að þeir fái að hafa erindi við þjóðina.

[Haukur Kristinsson (IP-tala skráð) 2.2.2014 kl. 19:38]

Gunnlaugur, að hafa erindi er ekki það sama og eiga erindi.

Hef aldrei heyrt þessa konu segja eitthvað eftirtektarvert, eitthvað sem sat eftir hjá manni. Hún er með pungapróf í lögfræði, eins og flestir þingmenn, og smellpassar í "meðalmennskuhóp" Íhaldsins.

Smellpassar!