Davíð Þorláksson fyrrverandi formaður SUS vill draga umsóknina til baka

Davíð Þorláksson, þáverandi formaður Sambands ungra sjálfstæðismanna, lýsti því yfir í sumar að eðlilegt væri að draga umsókn um aðild að ESB til baka.

 

Mbl.is greinir frá svo frá þessu sjónarmiði Davíðs: 

 

„Það væri galið að standa í aðildarviðræðum þegar báðir stjórnarflokkarnir hafa það á stefnuskrá sinni að standa utan ESB og það er hvorki vilji til þess hjá meirihluta þingsins né þjóðarinnar að ganga í sambandið.“

Þetta segir Davíð Þorláksson, formaður Sambands ungra sjálfstæðismanna (SUS), á Facebook-síðu sinni í dag vegna umræðu síðustu daga um það með hvaða hætti ríkisstjórnin hyggist taka á umsókninni um inngöngu í Evrópusambandið.

Davíð segir að óþarft sé að halda þjóðaratkvæðagreiðslu um málið þegar staða mála er með þessum hætti. „Eina vitið er að draga umsóknina til baka og fara að einbeita sér að endurreisn og uppbyggingu.“

 

 

Davíð Þorláksson gerir sér grein fyrir því eins og fleiri að áframhald viðræðna við ESB felur það í sér að ný skref verða stigin í átt til aðildar að ESB. Það vill Davíð ekki. 

 

Athugasemdir

[Haukur Kristinsson (IP-tala skráð) 2.2.2014 kl. 19:56]

Já, er það ekki. Nú skal vitna í SUS grísinn Davíð Þorláksson.

Sem gerir sér grein fyrir.........!

Djísus kræst, hvað næst?

[Heimssýn, 2.2.2014 kl. 20:04]

Haukur - ef þú heldur áfram að uppnefna fólk svona á vefnum og sýna ókurteisi af þessu tagi kemur það því að það verður að takmarka eitthvað aðgang þinn að þessum athugasemdum. Þessi dónaskapur hjá þér hefur verið gegnumgangandi og slíkt er ekki hægt að líða til lengdar. // Ritstjórn Heimssýnarbloggsins.