Íslenskur fjölmiðill í hagsmunabaráttu fyrir útlendinga í makrílmálinu?

Atli Árnason skrifar grein í Morgunblaðið í dag þar sem hann segir fréttastofu Ríkisútvarpsins líta á það sem sitt sérstaka hlutverk að kynna málstað Norðmanna og Evrópusambandsins. Þessir aðilar hafi lengi vel neitað að hleypa Íslendingum að viðræðuborðinu í makrílmálinu.

Evrópusambandið hefur hótað okkur viðskiptaþvingunum. Þær hótanir standa enn þrátt fyrir blíðmælgi fulltrúa sambandsins síðustu daga.

Atli Árnason segir:  

Það sætir því furðu að fréttastofa RÚV skuli líta á það sem sitt sérstaka hlutverk að kynna málstað Norðmanna með löngum viðtölum við helstu hagsmunaaðila Norðmanna sem hafa beitt sér svívirðilega gegn Íslendingum og Færeyingum í makrílmálinu frá upphafi. Þetta gerist á sama tíma og samningamenn Íslands eru undir stöðugum árásum og heitingum af hálfu Norðmanna við að halda fram hagsmunum Íslendinga í málinu. Norska ríkisútvarpið myndi aldrei hampa málstað Íslendinga í þjóðarútvarpi Noregs í slíkum málum en enn einu sinni telur fréttastofa RÚV sér sæma að taka hagsmuni erlendra kröfuhafa fram yfir íslenska. Er ekki kominn tími á að þessari undarlegu þjónkun við erlenda hagsmuni linni? 

Athugasemdir

[Eggert Sigurbergsson, 6.2.2014 kl. 06:48]

RÚV hefur það markmið í "lífinu" að halda á lífi ónýta Ísland málstað sambandsinna. Því er hvert tækifæri notað til að grafa undan þjóðinni ef það má vera til þess að hægt verði að troða henni í ESB.

Nýr útvarpsstjóri hefur ekki langan tíma til að gera betrumbætur áður en þjóðin mokar holu og sturtar þessu apparati þar í. Við erum ekki í þörf fyrir apparat sem stundar grímulausa hagsmunagæslu fyrir nýlenduþjóðir meginlandsins!