Katrín Jakobsdóttir segir ESB ólýðræðislegt

Katrín Jakobsdóttir, formaður Vinstri grænna, segir Evrópusambandið vera ólýðræðislegt. Þar sé þátttaka almennings lítil og fjármagnsöflin ráði of miklu. Hún ítrekaði jafnframt þá skoðun sína og VG að Íslendingar eigi ekki heima í Evrópusambandinu.

 

Þetta kom fram í Sprengisandsþætti Bylgjunnar í morgun.

 

Í þættinum lýsti Katrín jafnframt þeirri skoðun sinni að krónan yrði gjaldmiðill hér á landi í náinni framtíð.

 

Vinstri græn samþykktu fyrir ári síðan að gefa ESB-viðræðunum ár til viðbótar. Nú er það ár liðið.

 

Af hverju minnir enginn á þetta loforð Vinstri grænna annar en Heimssýnarbloggið? Af hverju taka aðrir fjölmiðlar þetta ekki upp?

 

Af hverju fara Vinstri grænir ekki að fylgja eftir því stefnumáli sínu að halda Íslandi utan ESB?

 

Hvers vegna eru sumir Vinstri grænir ráðamenn ennþá að vinna að því hörðum höndum að koma Íslandi inn í ESB þrátt fyrir þá yfirlýstu stefnu að vera á móti aðild að sambandinu því það þjóni ekki hagsmunum Íslendinga?

 

Katrín Jakobsdóttir viðurkennir að flokkur hennar hafi misst marga fyrir borð vegna þess hvernig flokkurinn höndlaði ESB-málið.

 

Á nýlegum flokksstjórnarfundi VG var ekkert ályktað um ESB-málið með öðru móti en að snúa út úr stefnu ríkisstjórnarinnar í málinu. 

 

Hvað þurfa Vinstri grænir að missa marga fyrir borð og hve mikið fylgi þarf flokkurinn að missa til þess að forysta flokksins sannfærist um að hún sé ekki á réttri leið? 

Athugasemdir

[Bjarni Jónsson, 16.2.2014 kl. 13:46]

Bragð er að, þá barnið finnur.  Það er sjúklegur tvískinnungur og loðin stjórnmálaafstaða í meira lagi að taka ofangreinda afstöðu til ESB, en samþykkja á sama tíma að leita inngöngu í téð ríkjasamband.  Annar eins stjórnmálalegur geðklofi hefur ekki sézt á Íslandi á lýðveldistímanum, og þó lengra aftur væri leitað, eða voru þessi alkunnu sannindi að renna upp fyrir fyrrverandi menntamálaráðherra í gær ?

[Anna Sigríður Guðmundsdóttir, 16.2.2014 kl. 20:35]

ESB-sinnin Katrín Jakobsdóttir lýsir göllum ESB fyrir þeim sem hún sveik svo eftirminnilega sumarið 2009.

Annaðhvort er þessi stelpa kjáni, eða stórhættuleg. Henni er alla vega ekki treystandi fyrir horn, frekar en öðrum toppfígúru-gluggaskeytingum skuggaráðuneytisins.

Skuggaráðuneyti er víst gamalt stjórnunartröppustig spillingarpíramída elítuheimsveldisins. Til hamingju Katrín og co! Hverjir eru Katrínar-co?

M.b.kv. 

[Kristján B Kristinsson (IP-tala skráð) 16.2.2014 kl. 22:35]

það er alveg ljóst að það kaupir það enginn aftur í kosningum að VG sé andsnúið ESB aðild, allavega ekki þau sem bitu á þetta agn í næst-síðustu Alþingiskosningum.