Ragnheiður Ríkharðsdóttir fallin útbyrðs af báti ESB-sinna

Það er ljóst að Ragnheiður Ríkharðsdóttir er dottin fyrir borð af kænu ESB-sinna miðað við yfirlýsingu hennar í Fréttablaðinu í dag. Þar segir hún að lögsaga Íslendinga yfir fiskistofnum hér við land hafi verið forsenda fyrir aðild að ESB. Nú er hún þeirrar skoðunar að um ekkert sé að semja og vísar þar í skýrslu Hagfræðistofnunar.

Í ljósi þessa getur Ragnheiður Ríkharðsdóttir ekki samþykkt annað en að umsóknin verði afturkölluð, samanber það sem fram kemur á síðu 8 í Fréttablaðinu í dag. Fyrst það er ljóst að ESB fær með sínum bandalagsrétti yfirráð yfir fiskveiðiauðlind Íslendinga, gerðumst við aðilar, þarf ekkert frekar að vera að ræða þessi mál.

Athugasemdir

[Jón Ingi Cæsarsson, 19.2.2014 kl. 16:21]

Kafli um fiskveiðar hefur ekki verið opnaður og þar af leiðandi veit enginn neitt um niðurstöður á þeim vettvangi.

Málflutningur á þessar síðu er einhliða og villandi og er þeim sem henni stjórna til lítils sóma.

Hér koma nokkrar athugsemdir frá upplýstum Framsóknarmanni, Jóni Sigðurssyni.

_____________

* Samkvæmt reglum ESB um stöðug hlutföll og nálægðarreglu verða Íslandsmið, ef til aðildar Íslands kæmi, sérstakt fiskveiðistjórnunarsvæði með sérstöku regluverki og engir aðrir en Íslendingar hafa þar veiðirétt. Þá yrði sérstakt svæðisráð skipað hér (RAC).

* Sérstök ákvæði gilda um fiskveiðar á miðum umhverfis Hjaltland. Ýmsar takmarkanir gilda þar um aðkomuskip. Hjaltlandsmið eru sérstakt fiskveiðistjórnarsvæði, einnig Írlandsmið, Norðursjór, Eystrasalt, Azoreyjamið, Kanarí- og Madeiramið, og Miðjarðarhaf.

* Í frumvarpi að aðildarsamningi sem Norðmenn felldu eru ákvæði um að fiskimið suður og suðvestur af Noregi fylgi sameiginlegu fiskveiðistjórnunarsvæði þar, en annað sérstakt norskt fiskveiðistjórnunarsvæði verði norður með Noregsströndum.

* Í fylgiskjali III.A.12 með aðildarsamningi sem Norðmenn felldu eru ákvæði um eignarhald á fiskiskipum.

*   Loks skal nefna mestu sérlausnina: Í 50. gr. Lissabonsáttmálans hefur hvert aðildarríki fortakslausan einhliða rétt til úrgöngu úr ESB. Tekur úrsögn gildi að tveimur árum liðnum ef ekki næst samkomulag.

[Elle_, 20.2.2014 kl. 11:03]

Brussel gerir sína sáttmála og skrifar sín lög og hlutfallsreglur einhliða.  Og geta breytt þeim ef og þegar þeim þóknast.  Og fer þar með alger yfirráð yfir sambandsríkjunum. 

En ekki nema von Jón Ingi og aðrir samfylkingar berjist eins og fiskar í neti eftir að flokkurinn næstum hvarf 2013, vegna óheilinda, ósanninda og villandi málflutnings.