Það er líf fyrir utan ESB

Unga fólkið vill ekki vera í ESB, eins og meðfylgjandi og fleiri ályktanir bera með sér. Það er nefnilega líf fyrir utan ESB. 

 

Aðildarsinnar eru skiljanlega óhressir með að draga eigi umsókn um aðild að ESB til baka og það er athyglisvert að sumir þeirra eru komnir í sama hræðsluáróðursgírinn og hefur mátt merkja við umræður erlendis.

 

Frægt er þegar danskur stjórnmálamaður hélt því fram fyrir evrukosninguna í Danmörku fyrir rúmum áratug að ef Danir myndu ekki samþykkja að taka upp evruna þá myndu erlend skip hætta að sigla í danskar hafnir.

 

Jafnframt eru fræg ummæli Thorbjörns Jaglands, fyrrverandi forsætisráðherra Noregs, að það hefði mjög alvarlegar afleiðingar fyrir efnahag Noregs ef Norðmenn samþykktu ekki aðildarsamning við ESB á sínum tíma.

 

Og nú eru aðildarsinnar farnir í gang með hræðsuáróður um að EES-samningurinn verði ekki pappírsins virði ef við drögum umsóknina til baka.

 

Svona hræðsuáróður var viðbúinn. ESB-aðildarsinnar hafa haft slíkt í frammi við ýmis tækifæri. En það er rétt að muna að það hefur verið, er og mun verða líf fyrir utan ESB.

 

Það er ekkert náttúrulögmál að allar Evrópuþjóðir þurfi að vera í ESB. Það gengur ágætlega hjá Sviss og Noregi - og hlutir eru að þróast í rétta átt hér á landi.

Fagna því að umsóknin sé dregin til baka

Athugasemdir

[Jón Steinar Ragnarsson, 24.2.2014 kl. 02:49]

Hér er eitthvað frá sambandinu sjálfu, sem ætti að fá hár aðildarsinna til að rísa:

http://ec.europa.eu/enlargement/pdf/publication/20110725_understanding_enlargement_en.pdf

Hefur enginnþeirra reymt að kynna sér þessi mál? Maður spyr sig bara.