Fátækt verulegt vandamál í Evrópu samkvæmt Eurostat: 124 milljónir hætta á að lenda undir fátæktarmörkum

Fátækt er verulegt vandamál í Evrópu. Samkvæmt nýlegum tölum Eurostat hefur vandamálið aukist og segir þessi hagstofa að 124,5 milljónir manna, eða 24,8% af mannfjöldanum í ESB-löndunum, eigi á hættu að lenda undir fátæktarmörkum eða í félagslegri útskúfun. Sambærileg tala fyrir Ísand er 12,7%.

Heimildir benda enn fremur til að árið 2010 hafi 16,4% mannfjöldans í ESB, eða 80 milljónir manna raunverulega verið undir fátæktarmörkum. Fátæktarmörk eru hér miðuð við 60% af meðaltekjum.

Það eru til fleiri viðmiðanir um fátækt og fátæktarmörk.

Umfjöllunin í ESB-stofnunum bendir þó til þess að litið sé á fátækt sem verulegt vandamál í ESB-löndunum.