Hanna Birna um svik Samfylkingarinnar

Samfylkingin lofaði að klára ESB-málið á 12-18 mánuðum. Hún fékk allt kjörtímabilið til þess en gafst upp áður en það var á enda. Það voru engar forsendur til að klára málið vegna andstöðu hluta Vinstri grænna og þess að hvorki Samfylkingin né ESB þorðu að ræða sjávarútvegsmálin. Samfylkingin sveik kjósendur sína um það sem hún lofaði þeim fyrir kosningarnar 2009.

Af þessum sökum er ESB-málið í hnút. Eina leiðin til að höggva á þann hnút er að hætta viðræðunum formlega. Það ætti ekki að vera stórmál, eins og Daniel Gros, einn helsti evru- og ESB-sérfræðingur álfunnar bendir nýverið á.

Hanna Birna Kristjánsdóttir, innanríkisráðherra og varaformaður Sjálfstæðisflokksins, bendir á þessi augljósu svik og getuleysi Samfylkingarinnar við að koma þessu loforði sínu og helsta stefnumáli í höfn.

Það er skiljanlegt að þingmenn Samfylkingarinnar skuli sumir hverjir vera í uppnámi er þeir sjá að eitt helsta stefnumál þeirra er að gufa upp. En það er lítið við því að gera.

Athugasemdir

[Ásthildur Cesil Þórðardóttir, 27.2.2014 kl. 14:28]

Í þessi ljósi er fyndið að heyra stjórnarandstöðuna endalaust hamast á sviknum loforðum, fólks sem það kaus ekki. Halda þau virkilega að fólk sé búið að gleyma?