Frakkar kvarta yfir evrunni

Frakkar kvarta æ ofan í æ að evran sé þeim erfið. Nú segir Michel Sapin, fjármálaráðherra Frakklands, að gengi evrunnar sé of hátt, hún standi útflutningi frá Frakklandi fyrir þrifum og stuðli þar með að litlum hagvexti en miklu atvinnuleysi.

Það þýðir þó líklega lítið fyrir ráðherrann að kvarta. Frakkland verður bara að lækka hjá sér verð á framleiðslunni ætli þeir að standast Þjóðverjum snúning. 

 

Kvartar undan styrk evrunnar

Athugasemdir

[Eggert Sigurbergsson, 16.4.2014 kl. 12:04]

Fastgengisstefnan sem fylgir evru kallar á launalækkanir og skerðingu réttinda launþega þegar á bjátar, þetta er kallað innri gengisfelling.

Í innri gengisfellingu þá sleppa þeir sem hafa yfir fjármagni að ráða og því verður innri gengisfellingin að verða mun harkalegri gagnvart launþegum til að ná fram markmiðum um stöðugt verðlag.

Að mati Samfylkingar, og áhangenda þeirra, þá eru borgarar ESB ríkja "heppnir" þar sem verð á rjómatertunni er aðeins 2,5% hærra í dag og það var fyrir ári síðan. Það sem þeir þegja um á sama tíma er að laun verkafólks eru 2,5% lægri í dag en fyrir ári. Þegar harðnar á dalnum þá lækka laun verkafólks bara ennþá meira.

Nú er svo komið í Þýskalandi að stjórnvöld hafa neyðst til að setja á lög um lágmarkslaun og því er ríkið farið að semja um kaup og kjör með lagasetningum þ.e stjórnvöld eru farin að leigja út einu verðmæti launþega, vinnuna, gegn föstu gjaldi til fjármagnseigenda á lágu töxtum til að þurfa ekki að fá þetta lið í hausinn í gegnum velferðarkerfið. Ástæðan fyrir því að Þýskaland setur þessi lög er að eigendur fjármagns hafa stöðugt gengisfellt laun launþega síðustu áratugi og sér ekki fyrir endann á því.

Sannleikurinn er sá að á Íslandi hafa launahækkanir verið 1% umfram verðbólgu síðan 1989. Samtök fjármagnseigenda, þ.e SA, SVÞ, SI, SFF og annarra skammstafana, hafa það að markmiði að taka upp fastgengisstefnu(evru) til að vernda auð sinn og flytja byrðarnar af lélegri hagstjórn eingöngu á herðar launþega. Á sama tíma þjáist forysta ASÍ, og margra annarra verkalýðsfélaga, af pólitískri kratagreddu um skattfrjáls ofurlaun í Brussel.

En eins og Nóbelshagfræðingurinn sagði í skýrslu til Seðlabanka Íslands: " Frjálst flæði fjármagns, fljótandi gengi er ekki takmark í sjálfu sér og jafnvel ekki verðstöðugleiki heldur. Takmark efnahagsstefnunnar er aukin velferð. Mikilvægt er að rugla ekki saman leiðum að takmarki og takmarkinu sjálfu."

[Eggert Sigurbergsson, 16.4.2014 kl. 12:07]

Leiðrétting:

"Sannleikurinn er sá að á Íslandi hafa launahækkanir verið 1% umfram verðbólgu síðan 1989."

á að vera:

Sannleikurinn er sá að á Íslandi hafa launahækkanir verið 1% á ári umfram verðbólgu síðan 1989.