Írar neyddir til að bjarga þýskum bönkum

Írar voru neyddir til að taka á sig miklar byrðar til að bjarga þýskum og frönskum bönkum. Framkvæmdastjórn ESB, Seðlabanki Evrópu og þýsk stjórnvöld þrýstu harkalega á veikgeðja írsk stjórnvöld að varpa byrðunum á almenning í Írlandi.

 

Þessi frásögn ráðgjafa Barrosos er hreint út sagt alveg ótrúleg.

 

Það munaði litlu að íslenskur almenningur lenti í svipuðum sporum og írskur. Forsvarsmenn ESB og forystumenn í Bretlandi og víðar þrýstu á stjórnvöld hér á landi að varpa skuldum bankanna á íslenskan almenning.

 

En íslenska ríkisstjórnin stóð í lappirnar árið 2008 og íslenskur almenningur hafði vit fyrir þeirri ríkisstjórn sem tók við árið 2009.

 

Ef einhvern tímann er ástæða til að segja einhverjum að fara norður og niður er það þegar fréttir berast af svona fantabrögðum.

 

 

Neyddi bankaskuldir upp á Íra

Athugasemdir

[Ufsi (IP-tala skráð) 9.5.2014 kl. 03:43]

"...fyr­ir neðan all­ar hell­ur að hóta því í raun að neyða Írland út af evru­svæðinu ef rík­is­stjórn­in stæði ekki við þetta heimsku­lega lof­orð."---  Þvílík mannvonska að ætlast til að ríkisstjórnir standi við gefin loforð.

Ef einhvern tímann er ástæða til að segja einhverjum að fara norður og niður er það þegar fréttir berast af svona fantabrögðum.

Aldrei mundu Íslendingar krefja ríkisstjórn um að standa við gefin loforð. Og aldrei munum við Íslendingar standa við gefin loforð nema það henti okkur. Loforð eru ekki bindandi hjá siðuðum þjóðum eins og Íslendingum.