Albanía í stað Bretlands

Um leið og Albanía færist hænuskrefi nær aðild að ESB eins og tengd frétt ber með sér aukast líkur á því að Bretar segi skilið við sambandið. 

David Camoron forsætisráðherra Bretlands hefur gefið skýrt til kynna að ef hinn mikli ESB-sambandssinni, Jean-Claude Juncker, verði kjörinn í æðstu stöðu í Brussel þá muni það auka líkur á þjóðaratkvæðagreiðslu í Bretlandi um aðild að ESB og úrsögn Breta úr sambandinu. 

Þetta er eitt aðalefni breskra fjölmiðla í dag og í gær. 

Bretar eru orðnir þreyttir á þróun ESB í átt til sambandsríkis og á þeim lögum og reglum sem aðildinni fylgir.

Cameron hefur lengi barist gegn því að Juncker fái stöðu formanns framkvæmdastjórnar ESB. Verði breski forsætisráðherrann undir í því máli mun það verða vatn á myllu óánægjuaflanna í Bretlandi og styrkja ESB-andstöðuna enn frekar í landinu.

Vert er að minnast þess að andstæðan við aðild Bretlands að ESB fékk byr undir báða vængi í kosningum til ESB-þingsins í síðasta mánuði, en hliðstæð útkoma varð reyndar í fjölmörgum ESB-löndum.

Það er því veruleg andstaða við stöðu og þróun ESB í ESB-löndunum. 

Hér á landi er minnihluti manna þeirrar skoðunar að rétt sé að fylgja Albaníu inn í ESB. 

Albanía formlega umsóknarríki

Athugasemdir

[Óskar, 24.6.2014 kl. 14:04]

"Það er því veruleg andstaða við stöðu og þróun ESB í ESB-löndunum.  " Bull eins og vanalega hjá ykkkur.  Andstaða í Bretlandi en almennt í ESB löndum, NEI.

[Heimssýn, 24.6.2014 kl. 15:43]

Ágæti Óskar.

Ef fylgst hefur verið með fréttum er erfitt að komast hjá því að taka ekki eftir því að í fjölmörgum löndum, s.s. Bretlandi, Danmörku, Svíþjóð, Ítalíu og víðar vakti helsta athygli árangur þeirra framboða sem gagnrýndu ESB harðlega.

[Hilmar (IP-tala skráð) 24.6.2014 kl. 19:34]

Albanía vill inn og Bretland út vegna sömu forsendna, spillingar í ESB.

Gömlu kommúnistarnir í austur-Evrópu hafa fegnir gripið ESB hugmyndina, enda gefur það þeim svipaða stöðu innan ríkissins og þeir höfðu meðan að Moskva sendi þeim línuna.

Gömlu og traustu lýðræðisríkin eru hinsvegar að snúast í hina áttina, eins og sífellt aukinn stuðningur við ESB andstöðuna sýnir svo glögglega.

Það er náttúrulega svolítið dapurlegt að íslenskir kratar skuli vera á sama spillingarstigi og gömlu kommarnir í austri.

[Helga Kristjánsdóttir, 25.6.2014 kl. 01:54]

Hilmar ; en huggun harmi gegn að þeir mælast með minnsta móti á Íslandi.