Rök ESB-sinna hverfa eitt af öðru

Það er þá ljóst að verðtrygging er heimil í ESB og rök ýmissa ESB- og evrusinna því fokin út í veður og vind um að verðtrygging yrði bönnuð ef við værum í ESB.

Falsrök ESB-sinna falla því dauð hvert af öðru ....

Verðtrygging ekki bönnuð

Athugasemdir

[Ufsi (IP-tala skráð) 28.8.2014 kl. 13:10]

Getur þú vitnað í og nafngreint einhvern ESB- eða Evru-sinna sem hefur sagt að verðtrygging yrði bönnuð ef við værum í ESB? Því það sem ég hef heyrt sagt er að einfaldasta og besta leiðin til að gera verðtrygginguna óþarfa er að ganga í Evrópusambandið og taka upp evru. Sem er ekki það sama og að verðtrygging yrði bönnuð.

[Heimssýn, 28.8.2014 kl. 13:25]

Það er aukinn áhugi fyrir verðtryggingu í ýmsum löndum. Upptaka evru þyrfti ekki að hafa svo mikil áhrif á verðtryggingu hér á landi. Það er ekkert beint samband þar á milli.

[Ufsi (IP-tala skráð) 28.8.2014 kl. 13:34]

Getur þú vitnað í og nafngreint einhvern ESB- eða Evru-sinna sem hefur sagt að verðtrygging yrði bönnuð ef við værum í ESB?

[Matthías (IP-tala skráð) 28.8.2014 kl. 14:23]

Geturðu nafngreint einhver af þessum ,ýmsu löndum' sem við berum okkur saman við og hafa áhuga á að taka upp verðtryggingu?

[Jóhann Elíasson, 28.8.2014 kl. 14:26]

Ufsi, það er mjög auðvelt  til dæmis skrifaði Jón Frímann mikið um það að ef við gengjum í ESB yrði VERÐTRYGGINGIN afnumin ÞVÍ HÚN VÆRI ÓLÖGLEG Í ESB.

[Brynjar (IP-tala skráð) 28.8.2014 kl. 14:39]

Hver skrifar þessa vfitleysu.  Ég tek undir með Ufsa og Matthíasi.  Komdu með heimildir fyrir þessu bulli þínu.

[Heimssýn, 28.8.2014 kl. 15:17]

Jón Þór Sturluson, sem hefur verið í Samfylkingunni og ötull talsmaður evruupptöku, nefnir að lán sambærileg íslenskum verðtryggðum lánum hafi verið að ryðja sér til rúms í Evrópu og víðar. Hann ritar svo 14.2.2012: „Verðtrygging húsnæðislána, eins og við þekkjum hana, er tiltölulega sjaldgæf á evrusvæðinu og þótt víðar væri leitað. Þó hafa sambærileg lán frekar verið að ryðja sér til rúms á undanförnum árum, meðal annars í Bandaríkjunum og í Evrópusambandinu. Erlendis er vísitölubindingin þó sjaldnast við verðbólgu með beinum hætti heldur skammtímavexti. Á þessu er þó ekki stórkostlegur munur því stýrivextir og skammtímavextir á millibankamarkaði fylgja verðbólguþróun alla jafna mjög náið.“ Sjá: http://www.visindavefur.is/svar.php?id=60906

Það myndi hins vegar ekki breyta neinu stórvægilegu um verðtryggingu hér á landi þótt svo ólíklega færi að evra yrði tekin upp.

[Ómar Bjarki Kristjánsson, 28.8.2014 kl. 15:24]

Þetta er, að eg tel, það sem Hannes Hólmsteinn kallar Strámannsrök.

Þau rök eru ónýt og til einskis brúkleg. Strámannsrökin.

En að öðru leiti segir þetta dáldið um aðferðirnar sem þjóðrembingar og liðsmenn sérhagsmunaklíka og elítunnar beita. Er góð heimild um það. Og fyrir það ber að þakka.

[Margret S (IP-tala skráð) 28.8.2014 kl. 18:23]

Vísitölubinding í þessum "ýmsu löndum" er ekki veitt neytendum í formi húsnæðislána, heldur er vísitölubinding milli fagfjárfesta og t.d. ríkisins. Breytilegir vextir eru hins vegar leyfðir á húsnæðislán, en þú getur fest þá í t.d. 60 mánuði í löndunum í kringum okkur. Einnig þarf að láta þig, lántakann, vita með fyrirvara ef á að hækka vextina, það er til þess að þú getir gert ráðstafanir, tekið öðruvísi lán o.s.frv. En, segið mér, þið spekingar, í Bandaríkjunum hefur verðbólga stundum farið í tveggja stafa tölu. Verðlag þar hefur 3-4. faldast síðan 1985 eða á c.a. þrjátíu árum. Aldrei hafa þeir þurft að hækka eftirstöðvar húsnæðislána hjá almenningi þrátt fyrir þessa verðbólgu. Og vextir á húsnæðislánum hafa verið fastir, jafnvel í áratugi. Bensín kostar þar nú c.a. 4 dollara gallonið en kostaði innan við dollar árið 1985. Tóbak kostaði innan við dollar en kostar nú 5-6 dollara. Við miðum okkar frábæru verðtryggingu við þessar vörur sem dæmi. Þessu skeri hérna er bara ekki viðbjargandi. Sérhagsmunaklíkan VILL halda í verðtryggingu. Það er þannig, Ómar Bjarki Kristjánsson. Þeir vilja að almenningur haldi uppi lúxus fyrir elítuna.

[Guðmundur Ásgeirsson, 28.8.2014 kl. 20:19]

Ufsi: hérna er eitt dæmi, sjá aths. nr. 5 við færsluna:

http://heimskringla.blog.is/blog/heimskringla/entry/1434474/

[Guðmundur Ásgeirsson, 28.8.2014 kl. 20:25]

Við þetta má bæta að nafni minn Steingrímsson formaður Bjartrar framtíðar, hefur oft og iðulega haldið þessu sama fram, að eina leiðin til að losna við verðtrygginuna sé að ganga í ESB. Gott ef formaður Samfylkingarinnar hefur ekki líka einhverntímann tekið í sama streng.

Nú er búið að dæma þau ummæli ómerk, enda er verðtrygging ekkert bönnuð í ESB, það gilda bara um hana ákveðnar reglur. Þær relgur hafa því miður verið brotnar hér á landi frá því við gengum í ESB, og um það snýst spurningin um ólögmætið.

Ekki hvort verðtryggin sé leyfileg, því það eru bæði framkvæmdastjórn ESB og sendinefndin á Íslandi búin að staðfesta, að verðtrygging myndi alls ekki hverfa sjálfkrafa við inngöngu í ESB.

Sendiherra ESB á Íslandi var meira að segja sýnilega brugðið þegar hann heyrði á fundi að Evrópusinnaðir flokkar hér á landi væru virkilega að nota þetta sem "rök" fyrir því að ganga í ESB og EMU.

[Guðmundur Ásgeirsson, 28.8.2014 kl. 20:26]

Gengum í EES hefði ég viljað sagt hafa, við höfum að sjálfsögðu ekki gengið í ESB. Biðst velvirðingar á misrituninni.

[Ufsi (IP-tala skráð) 28.8.2014 kl. 21:12]

Getur einhver vitnað í og nafngreint ESB- eða Evru-sinna sem hefur sagt að verðtrygging yrði bönnuð ef við værum í ESB? Og postað linki frekar en vafasama endursögn eftir minni. Það er allt of algengt hér að vitnað er í ummæli sem aldrei hafa verið sögð og skoðanir sem enginn hefur viðrað.

[Guðmundur Ásgeirsson, 28.8.2014 kl. 22:27]

Gott og vel Ufsi:

Alyktanir landsþings ungra jafnaðarmanna 2010:

http://politik.is/upplysingar/umuj/landsthing-2010/

"1.6 Evrópusambandið og almennar aðgerðir:  Fyrir ung heimili skiptir höfuðmáli að ná fram efnahagsstöðugleika. Losna undan kjaraskerðingar verkfæri stjórnvalda, íslensku krónunni, og verðtryggingunni. Aðildarferli að ESB og að lokum innganga mun hjálpa okkur inn á rétta braut."

Evrópupublogg þann 23. janúar 2013:

http://evropublogg.is/?p=306

"ESB og evra eina færa leiðin að afnámi verðtryggingar".

- Þar er vitnað í marga fleiri sem eru/voru sama sinnis.

Leiðari Fréttablaðsins 12. febrúar 2013, eftir Þórð Snæ Júlíusson:

http://www.visir.is/loford-um-loft/article/2013702129969

"Það er ekki hægt að afnema verðtryggingu nema að skipta út krónunni. Það er ekki ein leiðanna. Það er eina leiðin. Annað er innihaldslaust loft."

Allir sem vilja vita það, vita vel að Þórður Snær er Evrusinnaður.

Árni Páll Árnason á "beinni línu" DV í kjölfarið:

http://www.dv.is/beinlina/arni-pall-arnason/

Spurning: "Í niðurlagi leiðara Fréttablaðsins í dag stendur: "Það er ekki hægt að afnema verðtryggingu nema að skipta út krónunni. Það er ekki ein leiðanna. Það er eina leiðin. Annað er innihaldslaust loft. Vonandi mun komandi ríkisstjórn, sama hvaða flokkar það verða sem í henni sitja, bera gæfu til að sjá þetta." - Er Árni Páll sammála þessari greiningu leiðarahöfundar?"

Árni Páll: "Ég er í grunninn sammála greiningunni."

- Eigum við að ræða þetta eitthvað frekar?

Allir þessir aðilar hafa nú verið dæmdir ómerkir að þessum ummælum.

P.S. Ég var sjálfur viðstadddur áðurnefndan fund með sendinefnd ESB á Íslandi þar sem sendiherrann tók skýrt fram að ESB myndi ekki skipta sér af íslenskri verðtryggingu, hvorki fyrr né síðar. Á þeim fundi voru fulltrúar fleiri samtaka, þar á meðal þeirra sem aðhyllast Evrópusambandsaðild. Spyrðu þá endilega út í þetta frekar.

[Ufsi (IP-tala skráð) 28.8.2014 kl. 23:49]

Getur einhver vitnað í og nafngreint ESB- eða Evru-sinna sem hefur sagt að verðtrygging yrði bönnuð ef við værum í ESB? Ég vill sjá orðið sem Heimssýn notar "BÖNNUÐ", ekki afnumin eða losna undan, BÖNNUÐ.

[Guðmundur Ásgeirsson, 29.8.2014 kl. 00:49]

Ég var að enda við að gera það.

Með mörgum dæmum sem ég tók um slíkt.

Góðar stundir.

[Kolbeinn Reginsson (IP-tala skráð) 29.8.2014 kl. 15:02]

Til hvers ættum við að nota verðtryggingu ef við göngum í ESB?

Verðtrygging er á íslensku krónunni ekki á Evrunni nema Heimsýn ætli að halda áfram að nota verðtryggðar krónur sem er alveg velkomið fyrir mína parta.

[Heimssýn, 29.8.2014 kl. 17:21]

Þetta er ekki spurning um afstöðuna til verðtryggingar sem slíkrar. Heimssýn hefur sem samtök enga afstöðu til verðtryggingar. Þetta er spurningin um það hvort stórkarlalegar yfirlýsingar ESB- og evruáhangenda um að verðtryggingin hverfi með aðild að ESB standist. Eins og fram kom í nýbirtu áliti frá Efta-dómstólnum eru það íslensk lög sem ráða í þessu, auk íslenskra aðstæðna. Það er því undir Íslendingum sjálfum komið að draga úr vægi verðtryggingarinnar hafi þeir vilja til þess.