Helmingur ungra Spánverja án atvinnu

Alls eru um 54% ungs fólks í evrulandinu Spáni án atvinnu. Þar með slær Spánn út evrulandið Grikkland, en þar eru 53% án fólks á aldrinum 16-24 ára án atvinnu. 

 

Evrudraugurinn lætur ekki að sér hæða .....

 

Sjá nánar hér. 

 

Athugasemdir

[Ásmundur (IP-tala skráð) 30.8.2014 kl. 08:57]

Það er villandi að tala um að helmingur ungmenna á Spáni og Grikklandi séu án atvinnu. Flestir á þessum aldri eru í námi. Hér er því aðeins átt við helming þeirra sem eru vinnumarkaði sem er aðeins lítið brot af aldurshópnum.  

[Elle_, 30.8.2014 kl. 11:58]

Ég grét þegar ég las pistil Jóns Bjarnasonar Ótrúlega aum framkoma við Færeyinga, já vegna óskiljanlegs aumingjaskapar eða ótta við busana í Brussel.  En hundfúlir íslenskir dýrkendur hætta aldrei að halda uppi vörnum fyrir þetta auma bákn sem níðist á litlum ríkjum. 

[Haukur Kristinsson (IP-tala skráð) 30.8.2014 kl. 12:42]

Þetta er rétt hjá Ásmundi og ég vildi fyrir löngu vekja athygli á þessu, en ég er vel kunnugur stöðunni í Grikklandi. Engu að síður er atvinnuleysið allt of mikið í þessum löndum, ekki síst hjá ungu fólki. Það er hinsvegar ekki nýtilkomið, hefur alltaf verið. Einnig er viðhorf unglinga til atvinnu yfir sumarmánuðina allt annað en hjá okkur.

Sonur minn er læknir í Aþenu og hann hefur gefist upp á því að reyna að fá skólafólk í fríi til að vinna fyrir sig. Foreldrar vilja það ekki, vilja ekki að "barnið", "to peði" sé að vinna, barnið er í fríi!

Allt annað viðhorf, allt annar heimur en hjá okkur. Og þetta vita ekki ignorantarnir hjá Heimssýn, bulla því endalaust.

[Elle_, 30.8.2014 kl. 12:52]

Ert þú nú ekki frekar að bulla endalaust?  Það geta ekki allir vitað allt þó þú þekkir þig um göturnar í Grikklandi.

[Kolbrún Hilmars, 30.8.2014 kl. 16:42]

Ég þekki unga konu á þrítugsaldri sem býr á suðurströnd Spánar, á svokölluðum ferðamannastað.  Hún sótti um vinnu á veitingahúsi í vor (eftir vetrarlangt atvinnuleysi) ásamt 500 öðrum.   Og hreppti hnossið; starfið!  Ein af fimmhundruð.  Hvaða prósentutala dugir fyrir slíkt?

[Kolbrún Hilmars, 30.8.2014 kl. 17:08]

Haukur, af hverju vill sonur þinn aðeins ráða skólafólk í fríi?

[Heimssýn, 31.8.2014 kl. 13:18]

Það er rétt að þegar opinberar stofnanir birta tölur um atvinnuleysi eiga þær við um atvinnulausa sem hlutfall af þeim sem skilgreindir eru á vinnumarkaði. Skilgreiningin er það almenn og þekkt af það mörgum að því er oft sleppt að nefna það í stuttum fréttum eins og þeirri sem vitnað var til.

Hið alvarlega í þessu mikla atvinnuleysi ungs fólks er þó það að það er stór hluti ungs fólks sem hefur verið atvinnulaus til langs tíma og hefur því ekki getað tileinkað sér þá færni sem þarf til að standast kröfur á vinnumarkaði. Fyrir vikið hafa möguleikar þessa fólks til að skapa sér góð lífsgæði oft minnkað fyrir lífstíð. Það er hið alvarlega í evrulöndunum þar sem atvinnuleysið er hvað mest - að verulegu leyti vegna evrunnar.