ESB tekur fjárlagavöldin af Frökkum og Ítölum

Eins og meðfylgjandi frétt ber með sér stefnir í að ESB taki nú fjárlagavöldin af Frökkum og Ítölum sem ná ekki því marki að halli á ríkisfjármálum verði að hámarki 3%. Fyrir vikið heimtar ESB að Frakkar og Ítalir herði enn frekar sultarólina í opinberum fjármálum.

 

Mbl.is segir svo frá:

 

 

Bú­ist er við að Evr­ópu­sam­bandið hafni fjár­lög­um Frakk­lands vegna næsta árs en þetta yrði í fyrsta sinn sem virki­lega reyn­ir á nýj­ar vald­heim­ild­ir sam­bands­ins til þess að hafna fjár­lög­um ein­stakra ríkja þess. Þetta kem­ur fram í frétt Wall Street Journal.

Fjár­málaráðherra Frakk­lands, Michel Sap­in, lýsti því yfir í síðasta mánuði að lík­lega yrði fjár­laga­halli lands­ins 4,3% á næsta ári sem er langt um­fram há­marks leyfi­leg­an fjár­laga­halla sam­kvæmt regl­um  evru­svæðis­ins en hann er 3%. Fram kem­ur í frétt­inni að fyr­ir vikið sé lík­legt að emb­ætt­is­menn ESB hafni fjár­lög­un­um og geri frönsk­um stjórn­völd­um að end­ur­skoða þau. Átök kunni því að vera í upp­sigl­ingu á milli ráðamanna í Frakklandi og í Brus­sel.

Enn­frem­ur seg­ir í frétt­inni að hugs­an­legt sé að það sama verði raun­in í til­felli Ítal­íu þar sem einnig sé út­lit fyr­ir að fjár­laga­halli lands­ins verði um­fram leyfi­leg­an halla á evru­svæðinu. Bæði fransk­ir og ít­alsk­ir ráðamenn hafa sagt út í hött að krefjast frek­ari aðhaldsaðgerða í ríkj­un­um tveim­ur á sama tíma og horf­ur í efna­hags­mál­um þeirra fari versn­andi. 

ESB hafnar líklega fjárlögum Frakka

Athugasemdir

[Ásmundur (IP-tala skráð) 7.10.2014 kl. 09:30]

Þetta er óskaplega óvönduð blaðamennska.

Það er ekki verið að taka fjárlagavöldin af neinum þó að gerðar séu kröfur um að viss skilyrði séu uppfyllt. Þar að auki er fyrirsögnin ekki í samræmi við innihald fréttarinnar. Í fyrirsögninni er það staðhæft sem búist er við í fréttinni sjálfri.

Annars veitti íslenskum stjórnvöldum ekki af slíku eftirliti til að koma í veg fyrir að þau fari okkur að að voða. "Svokallað hrun" virðist nú gleymt og tröllum gefið.