Vinstri græn geta leiðrétt ESB-mistökin

Vakin hefur verið athygli á því að flokksráðsfundurVinstri grænna sem haldinn var um helgina hafi ekki sagt eitt aukatekið orð um Evrópumálin. Það gæti bent til þess að flokkurinn vilji ekki halda til streitu því ólánsfráviki sem forysta flokksins beitti sér fyrir í ESB-málunum í samstarfi við Samfylkinguna.

 

Af þessu tilefni skal hér áréttuð stefna Vinstri grænna eins og hún stendur skrifuð í stefnuyfirlýsingu flokksins sem samþykkt var árið 1999.

 

Samskipti við Evrópusambandið ber að þróa í átt til samninga um viðskipti og samvinnu, m.a. 

á sviði menntamála, vinnumarkaðsmála og umhverfismála. Hugsanlegur ávinningur af aðild 

Íslands að Evrópusambandinu réttlætir ekki frekara framsal á ákvörðunarrétti um málefni 

íslensku þjóðarinnar og er aðild að Evrópusambandinu því hafnað. Hagsmunir fjármagns og 

heimsfyrirtækja eru í alltof ríkum mæli drifkraftar Evrópusamrunans, miðstýring, skrifræði og 

skortur á lýðræði einkennir stofnanir þess um of. 

Athugasemdir

[Jóhann Elíasson, 19.10.2014 kl. 16:27]

Það er ekki nokkur von til þess að VG endurskoði Evrópumálin á meðan Katrín Jakobsdóttir og Björn Valur Gíslason eru í forystu flokksins.......

[Kristján B Kristinsson (IP-tala skráð) 19.10.2014 kl. 18:13]

Flokksskrípið VG var stofnað til utan um Steingrím J. þegar hann hann hættir á þingi sem hlýtur að gerast innan tíðar þá hverfur flokksskrípið með honum.