Andstæðingar ESB í stöðugum og góðum meirihluta

Stöðugur og góður meirihluti er gegn inngöngu Íslands í ESB. Það kemur fram í nýbirtri könnun sem Capacent Gallup gerði fyrir Já-Ísland. Bylgjan sagði frá því í hádeginu að 53,2 prósent landsmanna séu andvíg því að Ísland æski inngöngu í ESB en 46,2 prósent séu því fylgjandi. Þá kemur fram að rétt rúmlega helmingur þjóðarinnar sé því andvígur að draga umsóknina um aðild að ESB til baka.

Sjá nánar á visir.is.

Athugasemdir

[Guðbjörg Snót Jónsdóttir (IP-tala skráð) 3.2.2015 kl. 13:10]

 Enn ein skoðanakönnunarvitleysan, og það fyndin, verð ég að segja. Eða hvernig getur það verið, að meirihluti þjóðarinnar vill ekki inngöngu í ESB, en vill þó ekki draga umsóknina um ESB-aðild til baka? Er eitthvað vit í þessu? Það finnst mér ekki. Þetta er tómt rugl, en líka fyndið í meira lagi, því að þarna mætast andstæður og segir allt, sem segja þarf um já-fólkið. Meira vit er í því, að sá, sem vill ekki ganga í ESB, finnist það sjálfsagt að draga þessa arfavitlausu umsókn um aðildina að ESB til baka. Það er ekki hægt að botna í svona skoðanakönnun og er Já-Íslandi til skammar. Ég segi þvert nei við að ganga í ESB og Já við að draga þessa umsókn um ESB til baka, og því fyrr, sem það verður gert, því betra! Eftir hverju er Gunnar Bragi eiginlega að bíða? Hann á að drífa í þessu sem fyrst, og láta ekki þessa kolvitlausu stjórnarandstæðinga eða Já-sinna standa í vegi fyrir því. Það sést best á þessarri vitlausu könnun, hversu arfavitlaus stefna þeirra er, - algerlega ómarktæk, og því ætti Gunnar Bragi ekki að hlusta á ruglið í þeim, og drífa sig í verkið, hvað sem hver segir.