Æ fleiri telja að Grikkir muni kasta evrunni

Úrslitastund virðist óðum nálgast í samningaumleitunum grískra stjórnvalda og forystu ESB um stöðu Grikklands og meðferð skulda Grikkja. ESB hefur þvingað þá til að skera niður í opinberum rekstri, jafnframt því sem gríska ríkið hefur orðið að taka á sig auknar skuldir.

Ástandið hefur lítið skánað að mati almennings í Grikklandi þrátt fyrir harðar aðhaldsaðgerðir. Atvinnuleysi er um 30%. Meðal ungs fólks er atvinnuleysið 50%.

Kenneth Clarke, fyrrverandi fjármálaráðherra Breta telur óhjákvæmilegt að Grikkir yfirgefi evrusvæðið og að bresk stjórnvöld þurfi að undirbúa sig undir aðgerðir vegna þess, eins og meðfylgjandi frétt ber með sér.

Verði þetta niðurstaðan má búast við áhrifum víðar en í Bretlandi og þá náttúrulega helst á evrusvæðinu. 

En svo er ekki útilokað að Grikkir og ESB semji áður en það er um seinan. Forysta ESB mun gera allt sem í hennar valdi stendur til að koma í veg fyrir frekari upplausn á evrusvæðinu.

Telur að Grikkir yfirgefi evruna

Athugasemdir

[Jón Steinar Ragnarsson, 18.2.2015 kl. 00:53]

Þetta er allt leikrit að mínu mati. Þetta er núna notað í bretlandi til að réttlæta samdratt og einkavæðingu m.a. Tækifærismennska Clarke.

Grikkir fara ekki úr Evrunni því það er of mikil hætta á dómínóeffekt auk þess sem sterk andstaða er gegn því í grikklandi.

Hitt er svo annað mál að spámaðurinn í mér segir aðra kreppu rett handan við hornið. Áherslan á að verja fjármálamarkaðinn á kostnað iðnaðar, framleiðni og raunhæfrar verðmætasköpunnar er rett um það bil að koma í hausinn á þeim eins og tiu tonna búmmerang.

[Jón Steinar Ragnarsson, 18.2.2015 kl. 00:55]

Grikkir verða muldir undir hæl sambandsins. Það er engin hætta a öðru. að eru enn nokkrir hringir eftir á þumalskrúfunni.