Ítalir að moka snjó af götum Akureyrar og Grikkir á Ísafirði?

Þessi frétt vekur upp spurningar um gagnsemi þeirra reglna og laga sem setja þarf á grunni EES-samningsins. Akureyrarkaupstaður hefði átt að gefa snjómokstursfólki á Ítalíu og víðar í Evrópu kost á að bjóða í snjómokstur á götum bæjarins. 

Verður það kannski þannig í framtíðinni að stærstu sveitarfélögin þurfi að sækja snjóplógstæki og fólk til Ítalíu, Svíþjóðar og jafnvel Grikklands. 

Sjá hér frétt frá Ríkisútvarpinu um að Akureyrarbær hafi hlotið þann úrskurð að hann hafi brotið reglur með því að auglýsa ekki snjómokstur á evrópska efnahagssvæðinu.

Athugasemdir

[Valdimar Samúelsson, 25.2.2015 kl. 11:19]

Þið gleymið Kýpurbúum en þeir eiga rétt samkvæmt lögum EES þótt þeir séu 6670 km í burtu. Ef ég væri Kýpurbúi með pening þá myndi ég flytja til Íslands og kaupa mér trukka en þetta er allt opið fyrir EES svæðið. Við verðum bara að hunskast í burtu enda ekki ætlast til að við fáum að njóta þess að fá vinnu á undan Útlendingum

[Jón Ingi Cæsarsson, 25.2.2015 kl. 12:45]

Verst ef vondu Útlendingarnir senda alla góðu Íslendinga heim frá útlöndum Valdimar, þá kannski geta þeir bara handmokað hér heima í atvinnubótavinnu ?