Frakkar fagna ákvörðun Gunnars Braga

Fjölmargir Evrópubúar eru hrifnir af því framtaki ríkisstjórnarinnar að óska eftir því að Ísland verði tekið af lista yfir umsóknarríki að ESB, eins og fram kemur í meðfylgjandi frétt Morgunblaðsins þar sem Frakkar tjá sig.

Þessi ákvörðun ríkisstjórnarinnar vekur greinilega athygli um alla álfuna og vekur von í brjósti þeirra þjáðu einstaklinga sem þurft hafa að líða fyrir fátæktaráhrif evrunnar.

„Engir kjánar Íslendingarnir“

Athugasemdir

[Halldór Björgvin Jóhannsson, 13.3.2015 kl. 12:53]

Þetta er ein­hver mesta aðför að lýðræðinu sem átt hef­ur sér stað síðan við feng­um okk­ar full­veldi,“ seg­ir Birgitta Jóns­dótt­ir

Ég myndi nú frekar segja að það hafi verið "ein­hver mesta aðför að lýðræðinu sem átt hef­ur sér stað síðan við feng­um okk­ar full­veldi" þegar seinasta ríkisstjórn ákvað að fara í aðildarferlið án þess að huga að lýðræði, t.d. með því að spyrja þjóðina. Eftir því sem ég best veit þá kausa lýðræðið núverandi flokka einmitt einnig út af því að þeir eru á móti ESB aðild og því ætti þetta ekki að koma neinum á óvart.

Gunnar Bragi á ekkert nema hrós skilið fyrir þetta og að mínu mati á hann að taka þetta skrefinu lengra og tilkynna þeim formlega að umsóknin sé hér með afturkölluð.

[Guðbjörg Snót Jónsdóttir (IP-tala skráð) 13.3.2015 kl. 13:23]

Því erfiðara er að skilja viðbrögð og afstöðu sumra hér á landi við atburðinum. Við andstæðingar ESB-aðildarinnar hljótum allir að fagna þessu skrefi, sem Gunnar Bragi tók, þó að við höfum ekki séð allt ennþá, og þetta sé bara byrjunin eða þannig. Eftir er að reyna að fá samþykkta ályktun um endalok þessa máls á Alþingi, og það verður þrautin þyngri, eins og stjórnarandstaðan lætur. Við höfum ekki séð allt ennþá, þar sem hún mun brjálast á Alþingi, þegar fundir þar byrja aftur. Ef og þegar ríkisstjórnin setur fram ályktunina, þá fer allt á annan endann í þinginu, enda Össur búinn að hóta öllu hinu versta, ef þeir voga sér að gera það. Svo er fyrirsjáanlegt stríð í Engeyjarættinni, þegar Benedikt Jóhannesson er farinn að hundskamma frænda sinn, formann flokksins. Það verður fjör og hasar framundan á þinginu, þegar það byrjar, og það sem eftir lifir vetrar. Ætli sá hasar verði ekki langlífur og verða viðvarandi á þingfundum í sumar og lengi áfram? Það er hægt að búast við hverju sem er í þeim efnum eftir þetta. Bíðum bara og sjáum, hvað setur, enda ættum við að vera farin að þekkja þessa stjórnarandstöðu, og hvernig hún hagar sér í þessum málum!

[Björn (IP-tala skráð) 13.3.2015 kl. 18:48]

Þetta eru ein verstu skemmdarverk sem sögur fara af og þau allra tilgangslausustu líka, runnin undan rifjum strengjabrúðumeistarans í hádegismóum.

Við í Heimsýn erum alfarið á móti svona vinnubrögðum og viljum fá þjóðaratkvæði um þetta sem allra fyrst.

Við í Heimsýn höfum enn fremur ákveðið að sitja hjá í þjóðaratkvæðagreiðslunni, þar sem við viljum ekki skemma fyrir þeim sem vilja framfarir á Íslandi.

[Helga Kristjánsdóttir, 15.3.2015 kl. 07:34]

 Endilega þjóðaratkvæði runnið undan rifjum Jóhönnu; Þjóðaratkvæði bara að ganni; þau eru ekki bindandi.......
 Lát,ana sóa,úff,gott við létum,ana róa.