Valdaránstilburðir Katrínar og félaga

Gunnar Bragi Sveinsson utanríkisráðherra líkti í fréttum Bylgjunnar í kvöld útúrsnúningabréfi Katrínar Jakobs og félaga í stjórnarandstöðunni til ESB við valdaránstilburði þar sem í bréfinu fælust útúrsnúningar, vafasamar lagatúlkanir og undarlegur áróður gegn löglegum gjörðum sitjandi ríkisstjórnar.

Sjá stutt blogg um þetta og tengd atriði hér.

Eins og áður hefur komið fram var bréfið sem utanríkisráðherra sendi til ESB í raun bara staðfesting á því að umsóknin sem ríkisstjórn Jóhönnu setti af stað hefur verið dauð allt þetta kjörtímabil og hafði þar áður legið misserum saman í dvala.

 

 

Besta hugsanlega niðurstaðan

Athugasemdir

[Ufsi (IP-tala skráð) 14.3.2015 kl. 19:44]

Bréfið sem hinn skipaði embættismaður sendi til ESB er atlaga að umsókninni sem kjörnir fulltrúar þjóðarinnar, þingmenn á Alþingi Íslendinga, fólu ríkisstjórn Jóhönnu að afhenda ESB fyrir sig.

Bréfi Katrínar Jakobs og annarra kjörinna þingmanna í stjórnarandstöðunni er ábending um að Alþingi ráði hvort umsókn sé dregin til baka en ekki skipaðir embættismenn sem ekki hafa umboð þjóðarinnar á bak við sig. 

[Heimssýn, 14.3.2015 kl. 20:22]

Þú tekur ekki vel eftir, Ufsi góður. Umsóknin var fallin um þau skilyrði sem Alþingi setti.Því verður ekkert meira gert með hana. Bréf ráðherrans var fullkomlega í samræmi við stjórnskipun. Hins vegar er bréf stjórnarandstöðunnar óhefðbundið, utan allrar stjórnsýslu og eins og frekjukast óstýrilátra unglinga.

[Elle_, 14.3.2015 kl. 21:04]

Komst ekki Steingrímur mikli að völdum 2009 með blekkingum og lygum?  Margir vilja kalla það valdarán.  Og Kata var hans dyggasti fylgjandi.  Svo orðið valdaránstilburðir er væntanlega við hæfi.

[Ufsi (IP-tala skráð) 14.3.2015 kl. 21:07]

Umsóknin er aðeins fallin um þau skilyrði sem Alþingi setti ef Alþingi segir svo. Það er Alþingis en ekki embættismanna og spekúlanta útí bæ að dæma um skilyrðin og ákveða framhaldið.

"frekjukast óstýrilátra unglinga" gæti vel átt rétt á sér í ljósi einræðistilburða og stórmennskubrjálæðis ómerkilegra embættismannanna.

[Elle_, 14.3.2015 kl. 21:11]

Einræðitilburðir og stórmennskubrjálæði ómerkilegra stjórnmálamanna er nú lítið skárra.

[Elle_, 14.3.2015 kl. 21:28]

Og gleymum ekki að þessu sama fólki, óstýrilátu unglingunum í eilífðarfrekjukastinu, var bolað úr stjórn með skömm.  Og niðurlægingu á heimsvísu.  Þetta eru ekki beint lýðræðissinnar og hafa ekki efni á hörkudómum gegn öðrum stjórnmálamönnum.

[Jón Steinar Ragnarsson, 14.3.2015 kl. 22:31]

A.

Viðræðurnar rofnuðu sjálfkrafa þegar ESB neitaði ítrekað að opinbera rýniskýrslu um sjávarútveg, né sýna spilin í öðrum auðlindamálum. Ekki hlé. Heldur slit.

B.

Þegar ESA hafnaði nýjum stjórnarskrardrögum m.a. Vegna of mikilla fyrirvara á framsali valds, var málið sjálfdautt. Þar með var engin leið að opna þá kafla sem sneru að þesskonar framsali.

(N.B atriði sem af einhverjum ástæðum var ekki spurt um í sex spurninga þjóðaratkvæðagreiðslu um stjórnarskrá, þótt það væri meginástæða laga um stjórnlagaþing)

http://www.visir.is/stjornarskra-breytt-fyrir-esb-adild/article/200938564492

Það þurfti varla að hnykkja á þessu eða hvað? Var kannski búið að festa einhverja aðlögun í þessum viðræðum, sem ekki mátti taka aftur? Samkvæmt aðildarsinnum þá var aldrei um slíkt að ræða því þetta var jú kynnt í upphafi sem "könnunarviðræður" til að lokka vinstri græna með.

[Rödd skynseminnar, 14.3.2015 kl. 23:31]

Ráðherrann sakaði réttilega stjórnarandstöðuna um VALDARÁN. Það þarf að taka hart á svona, að stjórnmálamenn leyfi sér að senda bréf til útlanda, með guð-má-vita-hvað, kannski alls konar lygum og rangfærslum. Svona bréfasendingar aðila sem vita ekkert um hvað þeir tala geta komið sér mjög illa fyrir okkur sem þjóð. Við höfum kosið ríkisstjórn og Forseta til að skrifa bréf til annarra landa. Aðrir EIGA EKKERT MEÐ ÞAÐ að skrifa svona bréf!

Vonandi fylgir ráðherrann eftir ásökunum sínum. Valdarán er grafalvarlegt lögbrot, svoleiðis má ekki líða! 

[Sigurður M Grétarsson, 15.3.2015 kl. 08:15]

JÓn Steinar Ragnarsson. ESB hefur ekki neitað að koma fram  eð sínar kröfur í sjávarútbegsmálum. Þeir eru hins vegar núna mitt í þeiri vinnu að gera breytingar á sjávarútvegsstefnu sinni og vilja bíða niðurstöðu þeirrar vinnu áður en  þeir koma með sín samningsmarkmið. Einnig er það reglan hjá ESB að bíða þar til síðast með þá málaflokka sem mest getur þurft að semja um sérlausnir því þeir vilja ekki semja um slíkt fyrr en ljóst er að það sé ekkert annað sem geti valdið því að samningar náist ekki því öll slík eftirgjöf að hálfu ESB geta orðið fordæmi í samningum við næsta ríki jafnvel þó ekki takist að klára samninga vegna annarra mála.

Apildarumsóknin er því langt frá því dauð. Um leið og til valda kemst ríkisstjórn sem vill gera það sem meirihluti þjoðarinnar vill gera það er að klára aðildarsamning og bera hann undir þjóðina í þjóðaratkvæðgreiðslu þá stendur eki á ESB að klára málið.