Hver eru samningsmarkmið ASÍ í ESB-málum?

Forysta ASÍ með Gylfa Arnbjörnsson í broddi fylkingar segist vilja ræða við ESB um inngöngu Íslands í sambandið. Þá vaknar spurningin: Vill ASÍ ganga til þessara viðræðna, sem Já-Ísland sættir sig við að yrðu kallaðar aðlögunarviðræður, án allra skilyrða eða vill ASÍ setja fram einhver samningsmarkmið líkt og Samfylkingin lofaði að gera?

Sem kunnugt er lofaði Samfylkingin að kynna þau samningsmarkmið sem hún vildi setja fram í viðræðum við ESB. Það var hluti af niðurstöðu kosningar innan flokksins árið 2002 eða 2003. Flokksforysta Samfylkingar lét hins vegar þá vinnu lönd og leið að kynna samningsmarkmiðin. Þau litu aldrei dagsins ljós.

Segja má að utanríkisnefnd Alþingis hafi sett inn samningsmarkmið til grundvallar ályktun Alþingis um viðræður við ESB árið 2009. 

Vilja ASÍ og Samfylkingin að þau samningsmarkmið, m.a. um full og óskoruð yfirráð yfir fiskimiðunum, verði látin ráða áfram?

Þjóðin fái að segja sitt álit

Athugasemdir

[JR (IP-tala skráð) 18.3.2015 kl. 17:19]

Launþegar innan ASÍ  þurfa nýjan góðan gjaldmiðil og þar getur evran komið að gagni

Íslensk króna með gjörspillta stjórnmálamenn er handónýt !

[Ufsi (IP-tala skráð) 18.3.2015 kl. 19:14]

Forysta ASÍ með Gylfa Arnbjörnsson í broddi fylkingar segist vilja ræða við ESB um inngöngu Íslands í sambandið. Þá vaknar spurningin: Er einhver munur á því að vilja ræða eitthvað og semja um eitthvað. Getur ASÍ rætt við ESB án þess að það séu samningaviðræður? Þarf að hafa samningsmarkmið áður en hafnar eru samræður? Þarf að gera breytingar á Íslenskum orðabókum?

[Heimssýn, 19.3.2015 kl. 08:13]

Alþingi setti samningsmarkmið í umsóknina 2009. Þau vörðuðu m.a. full yfirráð í sjávarútvegsmálum og þau vörðuðu einnig landbúnaðarmál. Viðræður sigldu í strand 2011 vegna þess að ESB vildi ekki fallast á þau skilyrði sem þar voru sett.