Rúmlega 70% Íslendinga vilja ekki ESB-aðild

Þessi könnun Fréttablaðsins sýnir að rúmlega sjötíu prósent landsmanna vilja ekki inngöngu Íslands í Evrópusambandið. Hins vegar segir hér í fréttinni að álíka stór hópur vilji að fram fari þjóðaratkvæðagreiðsla um framhald viðræðna.

Nú er það verkefni okkar að sýna að áframhaldandi viðræður fela í sér aukna auðlögun að ESB og að ekki sé hægt að komast lengra með þær öðru vísi en að Ísland aðlagi ýmislegt að ESB fyrst eða lýsi því yfir hvernig það verði gert, m.a. í sjávarútvegsmálum.

Þjóð sem vill ekki gerast aðili að ESB getur í raun og veru ekki viljað aðlagast ESB nánar.

 

 

Athugasemdir

[Jón Steinar Ragnarsson, 22.3.2015 kl. 13:39]

Barattumál vinstrimanna verður í næstu kosningum að keyra nýju stjórnarskránna í gegn. Þeir gera sér loksins grein fyrir forgangsröðunninni.

Það er því rétt að gera lýðum ljósa tengingu stjórnarskrárbreytinganna og ESB málsins. Án ákvörðunnar um að sækja um í ESB hefði stjórnarskrármálið aldrei farið af stað.

http://www.visir.is/stjornarskra-breytt-fyrir-esb-adild/article/200938564492

Menn þurfa svo að átta sig á því að stjornarskrármalið snerist fyrst og fremst um afsalsákvæðin. Þ.e. 21. Greinina, sem raunar krefst þess að forseti sé með í ráðum í samningum og veiti umboð til þeirra. Það var ekki gert og þingsályktun látin nægja til að krækja sér ólöglega fram hjá þeirri skyldu.

Það að endurvekja stjórnarskrármálið þýðir bara eitt, en það er að taka burt fyrirvarana sem hafðir eru á framsali í 8. Kafla 111. Grein stjórnarskrárdraganna. Sú grein sem ESA gagnrýndi að hefðu of mikla fyrirvara.

http://stjornlagarad.is/starfid/frumvarp/

Það var af fremsta megni reynt að breiða yfir þá staðreynd að þessi mál tengdust og sést það meðal annars af því að ekki var spurt um framsalsþáttinn í meintum þjóðaratkvæðum um stjórnarskrá.

Framsalið er þó talið upp sem einn breytingaliður í 8 liða verkefnalista Jóhönnustjornarinnar í lögum um Stjornlagaþing.

https://www.althingi.is/altext/stjt/2010.090.html

Það er með hreinum ólíkindum hvernig hægt var að skauta fram hjá þessu meginatriði og meginástæðu stjórnarskrárbreytinga.

[Heimssýn, 22.3.2015 kl. 16:48]

Þakka þér fyrir þetta, Jón Steinar Ragnarsson. Við þurfum að halda þessu á lofti.

[Elle_, 22.3.2015 kl. 17:03]

Ekki var nóg fyrir þau að ætla að skemma fullveldisákvæði stjórnarskrárinnar fyrir Brusseldýrðina þeirra, og blekkja almenning á allan hátt og fela hvað þau voru að gera, nei þau ætluðu líka að hafa allt vald af forsetanum.  Gott hjá Jóni Steinari.

[Jónas Gunnlaugsson, 22.3.2015 kl. 23:28]

Stjórnarskráin

http://jonasg-egi.blog.is/blog/jonasg-egi/entry/1279295/

Til að koma okkur í ESB þurfti ríkisstjórnin að breyta tveim greinum

í stjórnarskránni.

Önnur greinin var um að það mætti framselja vald frá Íslandi til

erlendra aðila.

Hin greinin var um að fella niður grein um takmörkun

á eignarhaldi útlendinga á Íslandi.

Ríkisstjórnin þorði ekki að segja þetta berum orðum,

en bað hóp manna og kvenna, að koma með óskir

um breytingar á stjórnarskrá.

Þá bjuggu aðilar til 100?*** blaðsíður af óskum,

bættu þar inn í setningu, að leyfilegt væri að framselja

vald til erlendra stofnana.

Einnig var ekki sett inn í nýju stjórnarskrána

takmörkun á eignarhaldi erlendra aðila,

þannig að þegar gamla stjórnarskráin félli úr gildi,

yrði erlendum aðilum leyfilegt

að eignast allt á Íslandi.

Nú er umræðunni stýrt um allt annað en þessi tvö atriði,

og sagt að engu megi breyta.

Það er alltaf reynt að spila á okkur,

Jón og Gunnu.

Egilsstaðir, 22.03.2015  Jónas Gunnlaugsson