Evran er skammaryrði í Póllandi

Pólverjar eru ekki hrifnir af evrunni. Hún er það óvinsæl að frambjóðendur í forsetakosningum sem fram fara í Póllandi 10. maí næstkomandi nota evruna til að berja hverjir á öðrum.

Þrátt fyrir að Pólverjar séu skuldbundnir til að taka evruna upp samkvæmt samningum við ESB hafa allt að 75% Pólverja verið andvígir því enda er það talið hafa komið í veg fyrir að Pólland lenti í efnahagskreppu líkt og mörg ríki ESB að þeir voru með sinn eigin gjaldmiðil, slótí.

 

Athugasemdir

[Bjarni Jónsson, 3.4.2015 kl. 13:51]

Pólverjar hafa greinilega ekki kynnt sér "de samlede værker" íslenzka spekingsins Árna Páls Árnasonar og hirðar hans, sem heldur því fram, að innganga í ESB og upptaka evru yrði allra hagmeina bót.  Pólverjar fara örugglega nær sannleikanum en APA, enda færir APA náttúrulega engin rök fyrir máli sínu.  Hann trúir þessu bara og hefur gert að helzta máli flokksins síns.  Fékk hann þess vegna rýting í bakið ?

[Elle_, 3.4.2015 kl. 17:03]

Er þetta ekki trúmál næstum allra innan þess flokks?  Og guðfaðir trúarinnar ekki Jón B. Hannibalsson? 

[Bjarni Jónsson, 3.4.2015 kl. 20:23]

Samkvæmt mælingu gætu 94 % samfylkingarfólks hugsað sér inngöngu í ESB, og Æðsta prest (öldung ?) má kalla Jón Baldvin. 

Hins vegar er samkenndin með Vestrinu ekki meiri en svo, að hér um bil helmingur landsfundarfulltrúa vill, að Ísland hverfi úr NATO.  Ég skal éta hatt Jóns, ef hægt er að benda á annan stjórnmálaflokk í Evrópu, þar sem annar eins geðklofi er á ferðinni. Slíkan flokk kalla ég pólitískt viðrini, enda má túlka tillöguna sem stuðning við stefnu Pútíns í utanríkismálum. 

[Elle_, 4.4.2015 kl. 10:38]

Bjarni, þú sleppur næstum örugglega við að éta hatt Jóns.  En ekki er það skárra í brusselska hluta Sjálfstæðisflokksins, ef þeir hafa ekki allir haft vit á að fara.  Í það minnsta botna ég ekkert í þeim. 

Hinsvegar fullyrði ég að yfirgangurinn innan Evrópu sé í Brussel frekar en Rússlandi.