Reykjavíkurborg og Landspítalinn látin greiða AGS-lánið

Ákveðið hefur veirð að láta Reykjavíkurborg, Landspítalann Háskólasjúkrahús og ýmis önnur sveitarfélög og stofnanir, svo sem Fæðingarorlofssjóð, greiða afganginn af láninu til Alþjóðagjaldeyrissjóðsins. Fyrir vikið verður dregið úr félagslegri þjónustu sveitarfélaga, fresta verður ýmsum skurðaðgerðum og fæðingarorlof verður stytt um tvo mánuði.

 - Svona gætu fréttir hafa hljómað ef farið hefði verið í einu og öllu að ráðum og kröfum forystu ESB þegar fjármálahrunið reið yfir Ísland.

- Svona hefði getað farið fyrir Íslendingum ef stefna hörðustu ESB-aðildarsinna hefði náð fram að ganga í hruninu.

- Svona er komið fyrir Grikkjum í dag. Þetta eru afleiðingar af þeirri röngu ákvörðun að taka upp evru og af kröfum ESB, AGS og SE í garð Grikkja.

Það er oft hollt og nauðsynlegt að setja sig í spor annarra. Þá fyrst áttar maður sig á hvað er að gerast og hvað ber að forðast.

 

Ganga í sjóði opinberra stofnana

Athugasemdir

[Eyjólfur Jónsson, 26.4.2015 kl. 13:09]

Af hverju er mind af borgarstjóra með pislinum, ekki er hann að borga neitt, þvert á móti.

[Heimssýn, 26.4.2015 kl. 14:50]

Rétt athugað, Eyjólfur. Við lögum þetta.