Það er blessun að vera fyrir utan ESB

Sigmundur Davíð Gunnlaugsson, forsætisráðherra, sagði í viðtali við Sky-fréttastofuna í gær að það hafi skipt sköpum fyrir Íslendinga að standa fyrir utan ESB á meðan við fórum í gegnum hrunið og eftirmál þess. Ríkisútvarpið greinir frá þessu.

Við getum borið okkur saman við Grikkland. Ef við hefðum farið að ráðum og kröfum ESB væri ástandið hér á landi mun verra en í Grikklandi. Skattgreiðendur hefðu orðið að taka á sig bróðurpartinn af skuldum einkabankanna og atvinnulífið hefði ekki náð sér upp úr kreppunni með viðlíka hætti og varð með gengisaðlögun eftir hrunið.

Það er blessun fyrir Íslendinga að standa utan ESB.

Athugasemdir

[Ásthildur Cesil Þórðardóttir, 9.6.2015 kl. 16:18]

Sammála það má nefna fleiri lönd til, Írland, Spán, Frakkland og fleiri sem hafa farið illa út úr þessu ESB dæmi, sem og ýmsir erfiðleikar í Finnlandi, Danmörku og fleiri löndum. 

[Guðbjörg Snót Jónsdóttir (IP-tala skráð) 9.6.2015 kl. 16:31]

Rétt er það. Sigmundur Davíð veit, hvað hann syngur, og hefur hér lög að mæla. Það vitum við og sjáum, sem þykir hag okkar betur borgið utan ESB, andstætt þessum ESB-halelújakór, sem sér ekkert annað en ESB og vill ekki af öðru vita, og finnst ekkert dásamlegra en þetta samband, þótt flest sé á fallanda fæti innan sambandsins, og löndin innan þess séu alls ekki öfundsverð af vistinni þar inni, og við megum því prísa okkur sæl að hafa vit á því að halda okkur sem lengst í burtu frá þessum klúbbi.