Heimilin spara á því að vera utan ESB

Niðurstaða nýrrar rannsóknar í Bretlandi sýnir að heimili þar í landi myndu spara um tvö hundruð þúsund krónur á ári ef Bretland segði sig úr ESB. Matvæli yrðu ódýrari þar sem hægt yrði að flytja þau inn í auknum mæli frá ríkjum utan ESB auk þess sem úrsögn Breta úr ESB þýddi að ekki væri lengur þörf á kostnaðarsömu regluverki sambandsins sem væri til þess fallið að hækka verð til neytenda.

Fréttavefur Daily Telegraph segir frá þessu og mbl.is endursegir.

Heimilin betur sett utan ESB

Athugasemdir

[Jón Valur Jensson, 24.6.2015 kl. 13:44]

Þetta er frábær ábending. Matvæli eru t.d. langtum ódýrari í Bandaríkjunum en í Vestur- og Norður-Evrópu.

Við Íslendingar þurfum að ganga miklu lengra í þá átt að lækka eða fella niður tolla og vörugjöld á vörum frá Bandaríkjunum -- og skoða það einnig, frá þjóðhagslegu sjónarmiði og með traustum útreikningum, hvort rétt gæti verið að ganga í NAFTA-viðskiptasambandið -- en alls ekki í hið valdfreka Evrópusamband, sem heimtar af okkur æðsta og ráðandi löggjafarvald og önnur fullveldisréttindi!

[Jón Valur Jensson, 24.6.2015 kl. 13:45]

Illa fór fyrir innlegginu! Reyni aftur:

Þetta er frábær ábending. Matvæli eru t.d. langtum ódýrari í Bandaríkjunum en í Vestur- og Norður-Evrópu.

Við Íslendingar þurfum að ganga miklu lengra í þá átt að lækka eða fella niður tolla og vörugjöld á vörum frá Bandaríkjunum -- og skoða það einnig, frá þjóðhagslegu sjónarmiði og með traustum útreikningum, hvort rétt gæti verið að ganga í NAFTA-viðskiptasambandið -- en alls ekki í hið valdfreka Evrópusamband, sem heimtar af okkur æðsta og ráðandi löggjafarvald og önnur fullveldisréttindi!

[Heimssýn, 24.6.2015 kl. 15:13]

Áhugaverðar ábendingar, Jón Valur!

[Örn Johnson ´43 (IP-tala skráð) 24.6.2015 kl. 23:21]

Sú hugmynd að ganga í NAFTA er ekki ný á nálinni, vandinn er bara sá að NAFTA (Mexíkó, USA og Kanada) hafa engan áhuga á að ræða við okkur svo hugmyndin verður líklega dauð næstu áratugi. Okkar eigin tilbúni vandi er hins vegar sá að við tollum innflutning frá þessum ríkjum og gerum þar með vörur frá þeim óþarflega dýrar fyrir almenning hér á landi. Þetta er stórfurðuleg afstaða og undarlegt að t.d. ASÍ og Samtök atvinnulífsins skuli ekki taka upp málið. Yfileitt eru vörur frá USA mun ódýrari en frá Evrópu en þessir tollar og reyndar lengri flutningsleiðir gera þessar vörur oft of dýrar. Lausnin er samt sú að við eigum ekki að bíða eftir því að ná einhverri samningsstöðu við NAFTA heldur bara strax á morgun að fella þessa tolla niður og bjóða velkomnar vörur frá þessum ríkjum, okkur sjálfum til hagsbóta. Eigum við ekki að reyna að fatta það sem Bretar eru að fatta?

[Jón Valur Jensson, 25.6.2015 kl. 03:07]

Ég get alveg tekið undir með Erni Johnson hér.

Sigríður Á. Andersen alþm. hefur sérstaklega beitt sér í þessu máli, fyrir lækkun/niðurfellingu tolla og vörugjalda -- skynsöm kona í þessu sem ýmsu öðru (var t.d. ein á móti því í þinginu að kasta 500M kr. út um gluggann í femínismafræðinga och dylika).

[Jóhann Kristinsson, 25.6.2015 kl. 21:11]

Til að vita hvort að NFTA hefur áhuga á að Ísland gangi í NFTA, þá þarf að sækja um aðild.

Ástæðan fyrir að NFTA er ekki komið í viðskiptabandalag við ESB; allar vörur frá NFTA eru stór hættulegar eða eitraðar. Sem sagt ESB vill flytja inn vörur til NFTA en vill ekki sjá vörur frá NFTA.

Einstefna í viðskiptabandalagi gengur ekki upp.

Kveðja frá Houston