Jón Bjarnason: Styðjum frjálst Grikkland

Það er full ástæða til að lýsa yfir fullum stuðningi við grísku þjóðina í baráttu hennar fyrir lýðræðislegu og efnahagslegu sjálfstæði. Jafnframt er ástæða til að fordæma einstæða hörku, hroka og yfirgang sem Evrópusambandið hefur sýnt Grikkjum. Það er því ekki undarlegt að grísk stjórnvöld hafa haft áform um að skjóta afarkostum Evrópusambandsins til þjóðarinnar í þjóðaratkvæðagreiðslu.

Þau viðbrögð eru sambærileg því þegar íslenska þjóðin ákvað að krefjast þjóðaratkvæðagreiðslu um Icesave samningana sem gerðir voru í skugga ESB-umsóknarinnar árið 2009. 

Það er með ólíkindum að til séu þeir aðilar á Íslandi sem vilja enn halda til streitu umsókn og inngöngu í Evrópusambandið sem beitir aðildarríki sín slíkum afarkostum og Grikkland stendur nú frammi fyrir.

Heimssýn hefur ítrekað krafist þess að umsókn Íslands um inngöngu í Evrópusambandið verði afdráttarlaust afturkölluð og áróðursmiðstöð Evrópusambandsins hér á landi, Evrópustofu, verði lokað.

Íslensk stjórnvöld eiga að bjóða Grikkjum alla þá aðstoð sem þau mögulega geta veitt, bæði pólitískt og efnahagslega.

Verum minnug þess þegar sömu aðilar beittu Íslendinga afarkostum og hótuðu einangrun og beittu okkur hryðjuverkalögum í hruni fjármalakerfisins á Íslandi haustið 2008.
 
Stöndum með Grikkjum í sjálfstæðisbaráttu þeirra.

Jón Bjarnason, formaður Heimssýnar, hreyfingar sjálfstæðissinna í Evrópumálum.

 

Athugasemdir

[Helgi Jónsson (IP-tala skráð) 1.7.2015 kl. 16:31]

Grikkir ætla nú að sameinast um það að, að segja JÁ við samningum Evrópusambandsins til að tryggja það að þeir verði örugglega áfram í ESB og vera áfram með Evru.

Þeir ætla líka að sameinast um það að koma núverandi stjórnvöldum frá, en þau eru langt komin með að steypa Grísku þjóðinni í glötun með einhverju sem þeir halda að sér einhverskonar frelsisstríð.

[Erla Magna Alexandersdóttir, 1.7.2015 kl. 19:05]

ESB let þá höggva sína lífsbjörg OLIVUTRE- SKIPUN FRÁ BRUSSEL þvílik speki- ættum við að hætta að veiða fisk ? .það gæti glatt einhverja- nema okkur !

[Elle_, 2.7.2015 kl. 00:55]

Helgi enn á villigötum um dýrð þessa svokallaða sambands.