ESB-málið gleymt og grafið hjá VG?

ESB-málið virðist ekki hafa verið rætt á flokksráðsfundi hjá Vinstri grænum nýverið. Það er ekki stafkrók um það mál að finna hvorki í ræðu formanns né í fréttum af vef flokksins. Styrmir Gunnarsson vekur athygli á þessu. VG virðist sem sagt ætla að reyna að þegja málið í hel. Minnt skal á að Bjarni Benediktsson, formaður Sjálfstæðisflokksins, sagði fyrr í dag að ESB-málið væri steindautt í íslenskri pólitík.

Athugasemdir

[Jón Steinar Ragnarsson, 13.9.2015 kl. 23:04]

Það er aldeilis ekki dautt. Birtingarmynd þess er nú í svokölluðu stjórnarskrærmáli sem hæpað er sem eitthvað þjóðþrifamál.

Rétt að minna á það að það á sér upphaf í ákvörðuninni um að sækja um í evröpusambandið. Feneyjarnefndin var meira að segja beðin um að gefa álit sitt á því sem breyta þyrfti í upphafi. Það var einnig Feneyjanefndin sem gaf tillögum stjórnlagaráðs falleinkun vegna þess að of margir fyrirvarar voru á fullveldisframsali. Án heimilda um þetta framsal var ekki hægt að opna kafla er það vörðuðu og því féllu bæði málin um sjálf sjálf sig á sama tíma. 

http://www.visir.is/stjornarskra-breytt-fyrir-esb-adild/article/200938564492