Krugman kennir Þorvaldi Gylfasyni undirstöðuatriði í hagfræði

Þorvaldur Gylfason hefur að jafnaði forðast efnhagsleg rök fyrir upptöku evrunnar. Honum hefur, að minnsta kosti innlands, verið tamara að nota pólitísk rök, því hann er jú hagfræðingur sjálfur. Hugsanlega er þetta vegna pólitísks uppeldis hans. Paul Krugman, Nóbelsverðlaunahafi í hagfræði, hefur rekist á skrif Þorvaldar þar sem hann ber m.a. saman reynslu Íra og Íslendinga af fjármálakreppunni. Krugman bendir á að Þorvaldur gleymi eða geri lítið úr einu mikilvægasta atriðinu þegar lönd eru borin saman með þessum hætt, þ.e. atvinnu og atvinnuleysi.

Það er alveg merkilegt með þessa krata, sem í öðru orðinu segjast berjast fyrir hagsmunum hins vinnandi fólks, að það skuli jafnan gera lítið úr því hvernig evran hefur leikið atvinnulíf jaðarsvæða ESB grátt.

Kannski Þorvaldur sjái ljósið fyrst vinur hans, Nóbelsverðlaunahafinn, heldur á því.

Það skal minnt á í þessu samhengi að það er ekki bara verið að tala um að atvinnuleysið er miklu meira á Írlandi en Íslandi heldur fremur um að atvinnuástandið hafi batnað fyrr og betur á Íslandi, þökk sé krónunni (eða síðar og verr á Írlandi vegna evrunnar).

Athugasemdir

[Jóhann Elíasson, 1.12.2015 kl. 12:30]

Hann Þorvaldur Gylfason er ekki Krati af gamla skólanum heldur gerðist hann LANDRÁÐFYLKINGARMAÐUR og seinna meir held ég að hann hafi gengið til liðs við DÖGUNAR-samkrullið, sem ég held að enginn viti hvar stendur í einu eða neinu.