Minnihluti landsmanna vill halda áfram viðræðum við ESB

Samkvæmt niðurstöðu könnunar sem birt var í dag vill minnihluti landsmanna halda áfram viðræðum við ESB. Samkvæmt könnuninni segjast 45,4 prósent aðspurðra vera fylgjandi því að aðildarviðræður við ESB verði teknar upp á ný, 40,3% segjast vera á móti því að það verði gert og 14,3% segjast hvorki mótfallin né fylgjandi því að viðræður verði teknar upp á nýjan leik. 

Þegar þetta er skoðað í því ljósi að mikill meirihluti þjóðarinnar segist vera andvígur aðild að ESB er erfitt að skilja afstöðu sumra stjórnmnálaflokka í málinu. 

Kjarninn skýrir frá málinu fyrir hönd samtakanna Já Ísland sem eru fylgjandi aðild að ESB..

Athugasemdir

[Guðmundur Ásgeirsson, 1.2.2016 kl. 18:04]

Maður veltir því óhjákvæmilega fyrir sér hvað þessi 4,5% sem vilja hefja viðræður að nýju en samt ekki ganga í ESB, eru eiginlega að hugsa. Einnig hlýtur maður að velta því fyrir sér hvað er í gangi hjá þeim 18,8% sem vilja ekki ganga í ESB en hafa samt ekkert á móti því að hefja viðræður um það. Öll umræða um þetta mál yrði strax miklu markvissari ef hún færi fram á einhverjum rökrænum forsendum, en sumir virðast ekki skilja að það er ekki hægt að borða köku og eiga hana.

[Jón Þórhallsson, 1.2.2016 kl. 18:56]

Það er hægt að skilja sjónarmið Samfylkingaerinnar á því að það gæti verið kostur fyrir Ísland að geta tengst stærra hagkerfi einhverntíma í framtíðinni;

en ef að AÐAL-HAGFRÆÐINGUR SEÐLABANKANS  metur stöðuna þannig að sú vegferð henti ekki vegna ólíkra hagsveifla í hagkerfum þessara landa= Að þá er engin ástæða til að banka upp á hjá ESB.

http://thjodarskutan.blog.is/blog/thjodarskutan/entry/1991495/

[Helga Kristjánsdóttir, 1.2.2016 kl. 22:03]

Hvað þarf ég oft að skoða þessar kommur ykkar 45,4,prósent,eða 4,5%,annars geri ég mér ekki rellu yfir því,gleðst í hvert skipti sem skrifað er minnihluti vill....... 

[Ómar Ragnarsson, 2.2.2016 kl. 00:50]

Ef notaðar eru venjubundnar aðferðir við að segja frá svona könnunum og 45,4% er rétta talan um þá sem vilja viðræður en ekki 4,5%, - er sagt að af þeim sem tóku afstöðu með eða á móti voru 53% með því að taka upp viðræður en´47% á móti.

Ef þeir, sem vilja bæta óákveðnum við sína tölu þeirra sem eru á móti því að taka upp viðræður, er "mikill meirihluti þjóðarinnar" eða 54,6% á móti því að taka upp viðræður, en ef þeir sem vilja bæta óákveðnum við þá sem vilja taka upp viðræður, eru 59,7% í þeim hópi sem vilja taka upp viðræður, sem er einn stærri meirihluti þjóðarinnar!  

[Helgi Jónsson (IP-tala skráð) 2.2.2016 kl. 12:31]

Hvernig í veröldinni getið þið fundið það út að ef 45,4% vilja áframhaldandi viðræður og 40,3% eru á móti því að hefja viðræður, að það sé þá meirihlutinn sem vill ekki áframhaldandi viðræður, er ekki allt í lagi hjá ykkur..?

Samkvæmt þessari könnun, þá eru þeir sem eru hlynntari áframhaldandi viðræðum 52,5& og þeir sem eru á móti 47,5%.