Árni Páll segir umsóknina að ESB hafa verið mistök

Þegar menn standa á miklum tímamótum sjá þeir oft hlutina í skýrara og betra ljósi. Nú þegar Árni Páll Árnason, formaður Samfylkingarinnar, stendur með Samfylkinguna og sjálfan sig á brún pólitísks hengiflugs viðurkennur hann að aðildarumsóknin að ESB sem Samfylkingin stóð fyrir sumarið 2009 hafi verið feigðarflan. Hann segir:

Aðildarumsóknin Við byggðum aðildarumsókn að ESB á flóknu baktjaldasamkomulagi, sem aldrei hélt, í stað þess að fá skýrt umboð frá þjóðinni til að fara í aðildarviðræður, sem hefði bundið alla flokka við umsóknarferlið.

 

Þetta kemur fram á Eyjan.is

Athugasemdir

[Ásthildur Cesil Þórðardóttir, 11.2.2016 kl. 18:32]

Það er nú heila málið, þau þorðu ekki að spyrja þjóðina, og öll þessi óp um þjóðaratkvæðagreiðslu eftir á er hjómið eitt. 

[Jón Þórhallsson, 11.2.2016 kl. 18:55]

Það er hægt að skilja hug margra atvinnurekenda og íbúa þessa lands að það hefði getað  verið kostur fyrir ÍSLENSKA RÍKIÐ að geta tengst stærra hagkerfi eins og evru-hagkerfinu

(af því að einka-bankakerfið á íslandi hefur vaxið íslenska ríkiskerfinu yfir höfuð).

En ef að aðal-hagfræðingur seðlabankans segir að það sé ekki sniðugt út af tæknilegum ástæðum; að þá er kannski fullreynt:

http://thjodarskutan.blog.is/blog/thjodarskutan/entry/1991495/

--------------------------------------------------------------

[Jóhann Kristinsson, 11.2.2016 kl. 22:59]

Hvaða rugl er í Árna Pál, Samfó fór í ESB ferlið á alveg réttum og  góðum grundvelli. Enda hefur almenningur engan skilning á svo flóknu máli.

Ég vona að Samffó fari ekki að breyta stefnuskrá sinni, það mundi gera út um flokkinn.

Kveðja frá Houston

[Helga Kristjánsdóttir, 12.2.2016 kl. 00:01]

 Ákafi og mikilmennska póstanna sem sömdu um samruna og myndun ríkisstjórnar 2009,var einmitt byggð á sandi Árni minn,eins og presturinn minn predikaði svo oft,úr dæmisögum Krists.Gott að hefja uppbyggigu á föstum grunni grafa niður á klöpp og húsið stenst öll veður. 

[Elle_, 12.2.2016 kl. 00:50]

Liggur við maður vorkenni manninum.

[Helga Kristjánsdóttir, 12.2.2016 kl. 03:04]

Elle,kannski var hann borinn ofurliði,en vill ekki segja það.>>>> 

[Elle_, 12.2.2016 kl. 11:00]

Miklu líklegra, Helga.  Hann var of lengi of ýkt fastur í trúnni á þetta skrýtna fyrirbæri.