Svíar, Bretar og Hollendingar neita að samþykkja bókhald ESB

Svíar, Bretar og Hollendingar hafa neitað að skrifa undir ársreikninga ESB. Endurskoðendur treysta sér ekki til að ganga frá reikningunum án þess að taka fram að þeir geri fyrirvara um að þeir séu löglegir og réttir. Skoðun á reikningunum sýnir að 4,4% af öllum færslum í bókhaldi ESB eru rangar. Svindlið er mest í kringum ýmsa styrki og framlög.

Magdalena Andersson, fjármálaráðherra Svíþjóðar, reynir nú að fá fleiri lönd til að mótmæla fúski og svindli með fjármuni ESB, en til þessa hafa einungis Svíar, Bretar og Hollendingar mótmælt þessu að einhverju marki.

Síðustu tvo áratugi hafa endurskoðendur gert fyrirvara við bókhaldið og síðustu fimm ár hafa ríkisstjórnir Svíþjóðar, Bretlands og Hollands neitað að skrifa upp á reikningana.

Önnur lönd virðast sætta sig við fúskið og svindlið.

 

Athugasemdir

[Jón Þórhallsson, 13.2.2016 kl. 11:22]

Og hvað gerist ef að þessi lönd neita að skrifa undir bókhaldið?

Verða þau ekki að kyngja öllu sem að kemur frá ESB eða þá að bakka út úr ESB?

[Heimssýn, 13.2.2016 kl. 11:23]

Það verður fróðlegt að sjá hvað gerist!

[Jóhann Elíasson, 13.2.2016 kl. 13:44]

Væri kannski ekki ráð að fara yfir ÁSTÆÐUR  þess að bókhald ESB er ekki samþykkt í stað þess að deila um hverjar AFLEIÐINGARNAR verði?

[Jón Steinar Ragnarsson, 13.2.2016 kl. 19:58]

Mig minnir raunar að ársreikningar hafi aldrei fengist samþykktir. Allavega s.l. 20 ár.

[Jón Steinar Ragnarsson, 13.2.2016 kl. 20:02]

Bendi á bók eins endurskoðanda sambandsins Marta Andreasen "Brussels laid bare" 

Hún var rekin úr starfi með ofbeldi fyrir að vekja athygli á þessu.